Read Библија, Константинов Неемија 10 Bible Online

Неемија 10 - Библија, Константинов bible

Неемија 10

¹Во запечатената исправа беа: Намесникот Неемија, синот Ахалиин, и Седекиј,

²Серај, Азариј, Еремиј,

³Пасхор, Амариј Малхиј,

⁴Хатус, Севаниј, Малух,

⁵Харим, Меримот, Овадиј,

⁶Даниел, Гинетон, Варух,

⁷Месулам, Авиј, Мијамин;

⁸Мазиј, Вилгај, Семај, тоа се свештеници.

⁹Левитите: Исус, синот Азаниин, Винуј од Инададовите синови - Кадмиел,

¹⁰и нивните браќа: Севаниј, Одиј, Келита, Фелај, Анан,

¹¹Миха, Реоб, Асавиј,

¹²Захур, Серевиј, Севаниј,

¹³Одиј, Ваниј, Венинуј.

¹⁴Народни главатари: Фарос, Фат, Моав, Елам, Затуј, Ваниј,

¹⁵Вуниј, Азгад, Вивај,

¹⁶Адониј, Вигвај, Адин,

¹⁷Атир, Езекиј, Азур,

¹⁸Одиј, Асум, Висај,

¹⁹Ариф, Анатот, Невај,

²⁰Магфиј, Месулам,

²³Осиј, Ананиј, Асув,

²⁴Лоис, Филеј, Совик.

²⁵Реум, Асавна, Масиј,

²⁶Ахиј, Ханан, Анан,

²⁷Малух, Харим, Вана.

²⁸Но и другиот народ, свештениците, левитите - вратари, пејачите, нетинците - и сите, кои според Божјиот Закон се оддвоиле од земните народи, а и нивните жени, синови и ќерки сите, кои беа способни да разберат,

²⁹им се приклучија на своите браќа и на главатарите та се обврзаа со проклетство и со заклетва дека ќе одат според Божјиот Закон, кој е даден преку рацете на Мојсеј, Божјиот слуга, и дека ќе ги пазат и ќе ги извршуваат сите заповеди на Господа, на нашиот Бог, Неговите наредби и закони.

³⁰И особено: дека нема да им ги даваме нашите ќерки на земните народи, и дека не ќе ги земаме нивните ќерки за своите синови.

³¹И ако народите на земјата донесат стока или какво и да е жито во саботен ден, ние не ќе купуваме ништо од нив во сабота, ни во друг посветен ден. Секоја седма година ќе ја оставаме земјата да си почине, и ќе ги проштаваме долговите од секаков вид.

³²Зедовме како обврска: дека секоја година ќе даваме третина од шекел за богослужба во Домот на својот Бог:

³³за лебни приноси, за постојаните приносници и за секојдневните паленици за жртвите: саботни, на младата месечина, на празниците, за светите нешта и за жртви за грев за да се очисти Израел; и за секоја служба во Домот на нашиот Бог.

³⁴Ние свештениците, левитите и народот фрливме жрепка за придонесот од дрва, што треба во одреден ден, секоја година според своите семејства, да го донесуваме во Домот на нашиот Бог за огнот на жртвеникот на Господа, нашиот Бог, како што е запишано во Законот;

³⁵дека во секоја година ќе донесуваме во Господовиот Дом првини од плодовите на земјата и од првите плодови на секое дрво,

³⁶и првородените синови и првенците од својот добиток, како што е напишано тоа во Законот, првородените од крупниот добиток и од ситниот нека се однесуваат во Домот на нашиот Бог, зашто им се одредени на свештениците, кои служат во Домот на нашиот Бог.

³⁷Освен тоа првините од житото од плодовите на секое дрво, од младото вино и од маслото, ќе им ги носиме на свештениците во собите на Домот на нашиот Бог; а десетокот од својата земја на левитите, зашто левитите го земаат десетокот во сите места каде што работиме.

³⁸Свештеникот, синот Аронов, нека ги придружува левитите при собирање на десетокот. Левитите нека донесуваат десеток од десетокот во Домот на нашиот Бог, во собите на ризницата,

³⁹зашто Израелците и левитите се должни да донесуваат таму придонес од жито, од вино и од масло. Таму се наоѓаат посатките на светилиштето, свештениците во служба, вратарите и пејачите. Нема веќе да го оставаме Домот на својот Бог.