Read Библија, Константинов Неемија 11 Bible Online

Неемија 11 - Библија, Константинов bible

Неемија 11

¹Тогаш народните кнезови се населија во Ерусалим. Другиот народ фрлаше жрепка та од секои десет луѓе да излезе еден, кој ќе живее во светиот град Ерусалим, додека другите девет ќе останат во другите градови.

²И народот ги благослови сите луѓе, кои сакаа доброволно да живеат во Ерусалим.

³А еве ги покраинските главатари, кои се населија во Ерусалим и по јудејските градови, секој на својот имот.

⁴Во Ерусалим се населија Јудините синови и Венијаминовите синови. Од Јудините синови: Атај, синот Озиин, синот Захариев, синот Амариев, син Сефатиев, син Малелеилов, од Фаресовите синови

⁵Масиј, синот Варухов, син Холозов, син Азаев, син Адаев, син Јојаривов, син Захариев, син Силониев;

⁶Вкупно Фаресови синови во Ерусалим беа четири стотини шеесет и осум луѓе способни за бој.

⁷Еве ги Венијаминовите синови: Салуј, синот Месуламов, син Јоадов, син Федаев, син Колаев, син Масиев, син Итилев, син Исаијев,

⁸и неговите браќа: девет стотини дваесет и осум способни за бој.

⁹Јоил, синот Захариев, беше нивни заповедник; и Јуда, синот Сенуин, втор управител на градот.

¹⁰Од свештениците: Једај, Јојарив, Јахин,

¹¹Серај, синот Хелкиев, син Масуламов, син Садоков, син Марајотов, син Ахитовов, настојник на Божјиот Дом,

¹²и нивните браќа, кои исполнуваа служба во Домот: осум стотини дваесет и два; и Адај, синот Јероамов, син Фелалиев, син Амсиев, син Захариев, син Пасхоров, син Малахиев,

¹³и неговите браќа, главатари на семејствата: двеста четириесет и два; и Амасај, синот Азариелов, син Азаев, син Месилемотов, син Имиров,

¹⁴и нивните браќа, способни за бој: сто дваесет и осум. Завдил, синот Гедолимов, беше заповедник над нив.

¹⁵Од левитите: Семај, синот Асувов, син Азрикамов, син Асавиев, син Вуниев;

¹⁶и Саветај и Јозавад, од левитските главатари, за надгледување на надворешните работи на Божјиот Дом;

¹⁷и Матаниј, син Михов, син Завдиев, син Асафов, кој управуваше со псалмите, ги почнуваше благодарниците и молитвите; и Вавукиј, втор меѓу своите браќа; и Авда, синот Салиев, син Галалов, син Јадутонов.

¹⁸Во Светиот Град вкупно левити беа: двеста осумдесет и четири.

¹⁹А вратари: Акув, Талмон и нивните браќа, кои чуваа стража на вратите: сто седумдесет и два.

²⁰А другиот Израел, свештениците и левитите, се населија во сите градови на Јудеја, секој во своето наследство, и по населбите на нивните полиња.

²¹Нетинците живееја во Офил; Сих и Гиспа беа на чело на нетинците.

²²Настојник на левитите во Ерусалим беше Озиј, синот Ваниев, син Асавиев, син Матаниев, син Михеев. Тој беше од Асафовите синови, кои беа пејачи за служба на Божјиот Дом.

²³Зашто за нив беше царевата заповед и уредба за секојдневната служба.

²⁴Петај, синот Месизавеилов, од синовите на Залах, синот Јудин, беше место царот за секоја работа со народот.

²⁵Од Јудините синови се населија во Киријат-Арва и во нејзините селца, во Дивон и во неговите селца, во Јекавсеил и во неговите селца,

²⁶во Јесуја, во Молада, во Вет-Фалет,

²⁷во Асур Суала, во Вир Савеа и во нејзините селца,

²⁸во Сиклаг, во Мекона и во нејзините селца,

²⁹во Ен Римон, во Сареа, во Јармут,

³⁰Заноја, Одолама и во нивните селца, во Лахис и во неговите полиња, во Азика и во нејзините селца: и така се населија од Вир Савеа сè до Еномската Долина.

³¹Венијаминовите синови живееја во Гаваја, Михма, Аја и Ветил и во нивните селца,

³²во: Анатот, Нова, Ананија,

³³Асора, Рама, Гитајама,

³⁴Адида, Севојима, Невалата,

³⁵Лод, Онон и во Долината на Харашим (дрводелци).

³⁶Заедниците на левитите се населија во Јуда и во Венијамин.