Read Библија, Константинов Неемија 12 Bible Online

Неемија 12 - Библија, Константинов bible

Неемија 12

¹Ова се свештениците и левитите, кои дошле со Зоровавел, синот Салатилов, и со Исуса: Серај, Еремиј, Езра,

²Амариј, Малух, Хатус,

³Сеханиј, Реум, Меримот,

⁴Идо, Гинетон, Авиј,

⁵Мијамин Мадиј, Вилга,

⁶Семај, Јојарив, Једај,

⁷Салуј, Амок, Хелкиј и Једај. Тоа беа свештенички главатари и нивните браќа во Исусовото време.

⁸А левити: Исус, Винуј, Кадмил, Серевиј, Јуда, Матаниј - овој последниот и неговите браќа управуваа со песните.

⁹Ваквукиј и Униј и нивните браќа се сменуваа со нив во службата.

¹⁰На Исуса му се роди Јоаким; на Јоакима му се роди Елијасив, а на Елијасива - Јојад;

¹¹на Јојада му се роди Јонатан а на Јонатана му се роди Јаду.

¹²Во Јоакимовото време главатари на свештеничките семејства беа: на Сераиното семејство Мерај; на Еремиевото Ананиј;

¹³на Езриното Месулам; на Амариевото Јонатан;

¹⁴на Мелихуевото Јонатан; на Севаниевото Јосиф;

¹⁵на Харимовото Адна; на Марајотовото Елкај;

¹⁶на Идовото Захариј, на Минијаминовото и Моадиевото семејство Филтај;

¹⁷

¹⁸на Вилжиевото Самуј, на Семаијевото Јонатан;

¹⁹на Јојаривовото Матенај; на Једаиното Озиј;

²⁰на Салаевото Калај, на Амоковото Евер,

²¹на Хилкиевото Асавиј, на Једаијевото Натанаил.

²²Во времето на Елијасив, Јојад, Јоанан и Јадве беше извршен попис на главатарите на левитските семејства и свештениците сè до царувањето на Дариј Персиецот.

²³Левиевите синови: главатари на семејствата беа забележани во Книжниот свиток на летописот до времето на Јоанан, синот Елијасивов.

²⁴Левитски главатари беа: Асавиј, Серевиј, Исус, Бинуј, Кадмиел, а нивните браќа, кои стоеја спроти нив за да пејат наизменично пофалби и благодарници според уредбите на Давид, Божјиот човек,

²⁵беа: Матаниј, Ваквукиј и Овадиј. А Месулам, Талмон и Акув, вратари, чуваа стража кај складот близу до вратата.

²⁶Тие живееја во времето на Јоаким, синот на Исуса, син Јоседеков, и во времето на управителот Неемиј и на книжевникот свештеник Езра.

²⁷Кога беше осветувањето на ерусалимскиот ѕид, ги побараа левитите, секаде каде што живееја, за да ги доведат во Ерусалим та да го прослават осветувањето со радост, со благодарници и со песни покрај кимвали, псалтири и гуслиња.

²⁸И се собраа пејачи Левиеви синови, од крајот околу Ерусалим, од нетофатските села,

²⁹од Вет Гилгал, од Гева и од полето Азмавет: зашто пејачите си изградија села околу Ерусалим.

³⁰Свештениците и левитите се очистија себе си, а потоа ги исчистија народот, вратите и ѕидот.

³¹Тогаш ги искачив јудејските кнезови на ѕидот и составив два големи пејачки собири. Првиот одеше десно по ѕидот, кон Гнојната Врата;

³²по нив одеа Осај и половина од јудејските кнезови -

³³Азариј, Езра и Месулам,

³⁴Јуда, Венијамин, Семај и Еремиј,

³⁵а од свештеничките синови со рогови: Захариј, синот Јонатанов, син Семаев, син Матаниев, син Микаев, син Захуров, син Асафов,

³⁶со нивните браќа Семај, Ауреил, Милалај, Гилалај, Мај, Натанаил, Јуда, Ананиј, со свирките на Давида, Божјиот човек. А Езра, книжевникот, одеше пред нив.

³⁷Кај Изворската Врата се искачија спроти нив покрај скалилата на Давидовиот Град по ѕидната нагорница од Давидовиот Дворец сè до Водната Врата на исток.

³⁸Вториот пејачки собир, а по него и половина од народните кнезови, одеше налево по ѕидот и Пекќата Стражарница сè до Широкиот Ѕид,

³⁹па тогаш над: Ефремовата Врата, Старата Врата, Рибината Врата, Ананеиловата Стражарница, стражарницата Меја, сè до Овчата Врата. Застанаа при Затворската Врата.

⁴⁰Потоа двата пејачки собири зазедоа место во Божјиот Храм. Исто и јас и со мене половината главатари,

⁴¹свештениците Елијаким, Масиј, Минијамин, Михај, Елиоинај, Захариј, Ананиј со труби,

⁴²потоа Масиј, Семај, Елеазар, Озиј, Јоанан, Малхиј, Елам и Есер. Пејачите пееја под раководство на Езрај.

⁴³Во тој ден беа принесени големи жртви, луѓето и дадоа изблик на радоста, зашто Бог ги беше исполнил со голема радост; се веселеа и жените и децата. И радоста на Ерусалим се слушаше надалеку.

⁴⁴Во тоа време беа поставени луѓе да ги надгледуваат клетовите во кои се оставаа приносите, првините, десетоците, и да ги собираат, од полињата покрај градовите, деловите кои Законот им ги доделува на свештениците и левитите. Зашто Јудејците им се радуваа на свештениците и левитите, кои беа во служба.

⁴⁵Тие вршеа служба на својот Бог и служба за очистување - како и пејачите и вратарите - според одредбата на Давида и на неговиот син Соломон.

⁴⁶Зашто од Давидовите и од Асафовите денови, од дамнина постојат пејачки главатари и песни за фала и слава на Бога.

⁴⁷Затоа сиот Израел во времето на Зоровавел и во Неемиевото време даваше, ден по ден, делови одредени за пејачите и вратарите, а левитите им даваа на Ароновите потомци.