Read Библија, Константинов Јов 26 Bible Online

Јов 26 - Библија, Константинов bible

Јов 26

¹Јов проговори и рече:

²„Колку добро знаеш да му помогнеш на немоќниот и да ја потпреш изнемоштената мишка!

³Колку добар совет му даваш на неукиот; навистина покажа преголема мудрост.

⁴Кому му ги упати овие зборови и кој дух зборуваше од тебе?”

⁵Мртвите пред Бога, треперат долу под земјата, морските води се тресат и нивните чудовишта.

⁶Пред Неговото око Шеолот зее откриен, и бездната на смртта нема превез на себе.

⁷Тој го оптегнува Северот врз празнината, Тој ја држи земјата, необесена на ништо.

⁸Тој ја затворува водата во Своите облаци, но облаците не се скинуваат под неа.

⁹Тој го покрива полното лице на месечината, простирајќи го Својот облак врз него.

¹⁰Тој и постави меѓи на водата, каде прекратува светлината и темнините почнуваат.

¹¹На небесниот свод се потресуваат столбовите и премираат од страв, кога Тој се заканува.

¹²Тој го скроти морето со Својата сила и го сотре со мудрост чудовиштето Рахав.

¹³Со својот Дух ги украси небесата, а Неговата рака ја прободе брзата змија.

¹⁴Сè тоа е само дел од Неговите дела, од кои ние за Него слушаме слабо. Но кој може да го сфати громот на Неговата сила?”