Read Библија, Константинов Јов 27 Bible Online

Јов 27 - Библија, Константинов bible

Јов 27

¹Јов ја продолжи својата беседа и рече:

²„Жив е Бог, Кој ми ја скратува правдата, и Сèдржителот, Кој ми ја огорчи душата.

³Сè додека мојот дух е уште во мене, додека Божјиот здив биде во моите носалки,

⁴Моите усни нема да изустат зло, ниту некаква лага ќе дојде на мојот јазик.

⁵Далеку од мене да ве оправдам, својата невиност ќе ја бранам до последниот здив.

⁶Јас се држам за својата правда, нема да ја оставам; моето срце нема да ме кори заради моите денови.

⁷Нека го најде мојот непријател кобта на безбожникот, а мојот противник - судбината на беззаконикот!

⁸Зашто на што може да се надева кога се моли покорно и кога ја вознесува својата душа кон Бога?

⁹Ќе ги чуе ли Бог неговите крици, кога неволјата ќе се нафрли врз него?

¹⁰Зар ќе се радува тој во Сèдржителот? Зар ќе го повикува Бога во секое време?

¹¹Но јас ќе ви ја покажам Божјата рака и нема да ви ги скријам намерите на Сèдржителот.

¹²Ете, сами можевте да го видите сè тоа, зошто тогаш се губите во празнина?”

¹³Оваа судбина Господ ја одредува на беззаконикот, ова наследува силникот од Сèдржителот.

¹⁴Има ли многу синови, меч ги чека, а неговиот пород не ќе има доста леб.

¹⁵Смртта ќе ги погребе неговите преживеани, и вдовиците не ќе ги оплачуваат.

¹⁶Ако натрупа и сребро како прав, ако насобере и облеки како кал,

¹⁷нека ги собира, праведник ќе ги облече, невини луѓе ќе го разделат среброто.

¹⁸Изградил куќа од пајажина, колипче какво прави за себеси полјакот.

¹⁹Легна богат, но за последен пат; кога ги отвори очите, ништо веќе нема.

²⁰Ужас го опфаќа среде бел ден, ноќе, бура го грабна и го однесе.

²¹Источниот ветер го крена и го одвлече, бурата го фрла далеку од неговото место.

²²Без милост мавта со него насекаде, додека овој се обидува да му избега од раката.

²³Плескаат со раце над неговата пропаст, го исвиркуваат каде и да дојде.