Read Библија, Константинов Псалми 132 Bible Online

Псалми 132 - Библија, Константинов bible

Псалми 132

¹Песна на воздигање. Спомни си, о Господи, за Давида и за сите негови тешкотии;

²како Му се заколна на Господа, му се заветува на Јакововиот Силен.

³„Не ќе влезам во шаторот на мојот дом, ниту ќе легнам во леглото на мојата постела;

⁴ниту ќе им дадам сон на очите, ниту одмор на моите клепки,

⁵додека не Му најдам место на Господа, живеалиште на Силниот Јаковов.”

⁶Ете, чувме за Него во Ефрат, го најдовме во Јарските Полиња.

⁷Да влеземе во Неговото живеалиште, да се поклониме пред Неговите нозе!

⁸Стани, о Господи, тргни кон Своето почивалиште, Ти и ковчегот на Твојата Сила!

⁹Твоите свештеници нека се облечат во праведност, Твоите свети нека воскликнуваат радосно!

¹⁰Заради Давида, Твојот слуга, не свртувај го лицето од Твојот помазаник!

¹¹Господ му се заколна на Давида, со цврста заклетва од која нема да отстапи: „Потомок од Твојот род ќе го положам на Твојот престол.

¹²Ако твоите синови ги пазат Мојот Завет и наредбите на кои ги учам, нивните синови, довека, ќе седат на Твојот престол!”

¹³Зашто Господ го избра Сион, го посака него за Свое седиште.

¹⁴„Ова ми е вечно почивалиште, ќе престојувам тука, зашто така посакав.

¹⁵Ќе ја благословувам нејзината храна, ќе и ги нахранам бедните со леб.

¹⁶Ќе ги облечам во спасение нејзините свештеници, нејзините свети ќе воскликнуваат радосно.

¹⁷Ќе направам таму да изникне рог за Давида, ќе ја подготвам светилката за Мојот помазаник.

¹⁸Ќе ги облечам неговите непријатели со срам, а врз него ќе блеска Мојот венец.”