Read Библија, Константинов Псалми 142 Bible Online

Псалми 142 - Библија, Константинов bible

Псалми 142

¹Со сиот глас викам кон Господа, со сиот глас му се молам на Господа.

²Ги излевам пред Него моите поплаки, ја изнесувам пред Него мојата мака.

³Ако мојот дух изнемошти во мене, Ти го знаеш мојот пат. На патот, по кој минувам, потајно ми поставија примка.

⁴Ако се свртам надесно и погледам: никој не знае за мене. Нема каде да избегам, никој не се грижи за мојот живот.

⁵Господи, кон Тебе извикувам; зборувам: „Ти Си мое прибежиште, Ти Си мој дел во земјата на живите.

⁶Послушај ги моите извици, зашто сум многу понижен. Избави ме од моите гонители, зашто се посилни од мене.

⁷Изведи ја од темница мојата душа, да Му заблагодарам на Твоето име. Праведници ќе се соберат околу мене, заради доброто што ми го укажа мене.”