Read Библија, Константинов Псалми 146 Bible Online

Псалми 146 - Библија, Константинов bible

Псалми 146

¹Алилуја! Моја душо, фали Го Господа!

²Ќе Го фалам Господа додека сум жив, додека ме биде, ќе Му пеам на мојот Бог.

³Не надевајте се на кнезовите, ниту во човечки син, од кого нема спасение!

⁴Ако излезе духот од него, тој се враќа во својата земја, и во тој ден пропаѓаат сите негови мисли.

⁵Блажен е оној, кому му е помошник: Јакововиот Бог, чија надеж е во Господа, неговиот Бог,

⁶Кој ги создаде: небото и земјата, морето и сè што е во нив; Кој останува верен довека.

⁷На угнетените им враќа правда, а на гладните им дава леб. Господ ги ослободува врзаните.

⁸Господ им ги отвора очите на слепите, Господ ги исправа наведнатите, Господ ги љуби праведните.

⁹Господ ги заштитува туѓинците, ги поткрепува сираците и вдовиците, а на грешниците им ги метка патиштата.

¹⁰Господ ќе царува довека, твојот Бог, Сионе, од колено до колено. Алилуја!