Read Библија, Константинов Псалми 2 Bible Online

Псалми 2 - Библија, Константинов bible

Псалми 2

¹Зошто се бунат народите, зошто племињата замислуваат суети?

²Земските цареви стануваат и кнезовите се собираат против Господа и против Неговиот Помазаник:

³„Да ги скинеме нивните окови и да го отфрлиме нивниот јарем.”

⁴Оној, што живее на небесата, им се смее, Господ им се потсмевнува.

⁵Тогаш ќе им рече во Својот гнев, и со Својата јарост ќе ги збуни:

⁶„Јас го поставив Мојот Цар над Сион, на Мојата Света Гора.”

⁷„Ја објавувам Господовата одлука: Тој ми рече: *Ти си Мој Син, Јас те родив денес.

⁸Побарај од Мене, и ќе ти ги дадам народите во наследство и земските краишта во сопственост.

⁹Ќе владееш со нив со железен жезал и ќе ги скршиш како грнчарски сад.*”

¹⁰Вразумете се сега, вие цареви; научете се земски судии!

¹¹Служете Му на Господа со страв, радувајте Му се со трепет.

¹²Целувајте Го Синот, за да не се разгневи и да не загинете патем, зашто скоро ќе пламне Неговиот гнев. Блажени се сите кои се засолнуваат при Него!