Read Библија, Константинов Псалми 24 Bible Online

Псалми 24 - Библија, Константинов bible

Псалми 24

¹Давидов псалм. Господова е земјата и сè што е на неа, светот и сите кои живеат во него.

²Зашто Тој го основа над морињата и го зацврсти над реките.

³Кој ќе се искачи на Господовата Гора, кој ќе застане на Неговото свето место?

⁴Оној, кој има чисти раце и невино срце; кој не и ја предаде својата душа на суетата и кој не се заколнува лажно.

⁵Тој прима благослов од Господа, и правда од Бога, својот Спасител.

⁶Такво е поколението на оние, што Го бараат Него, што го бараат лицето на Јакововиот Бог.

⁷Поткренете ги врати своите надвратници, кренете се вечни порти, да влезе Царот на Славата!

⁸Кој е тој Цар на Славата? моќниот и силниот Господ, Господ силен во бој!

⁹Поткренете ги врати вашите надвратници, кренете се вечни порти, да влезе Царот на Славата!

¹⁰Кој е тој Цар на Славата!? Господ над Воинствата - Тој е Цар на Славата!