Read Библија, Константинов Псалми 25 Bible Online

Псалми 25 - Библија, Константинов bible

Псалми 25

¹Давидов псалм. Кон Тебе, Господи, ја подигам мојата душа.

²На Тебе се надевам, Боже мој; не оставај да се засрамам, за да не се веселат над мене, моите непријатели.

³Навистина, нема да се засрамат оние, кои се надеваат на Тебе; ќе се засрамат оние, кои изневеруваат без причина.

⁴Покажи ми ги, Господи, Твоите патишта, научи ме на Твоите патеки!

⁵Води ме во Твојата вистина и научи ме, зашто Ти си Бог на моето спасение; на Тебе се надевам секој ден.

⁶Спомни си, Господи, за Твојата верност и за Твојата љубов довека.

⁷Не спомнувај си за гревовите на мојата младост, за моите престапи; спомни си за мене, о Господи! според Твојата љубов и заради Твојата благост!

⁸Господ е благ и праведен: затоа ќе им покаже пат на грешниците.

⁹Тој ги води кротките во правда, ги научува кротките на Својот пат.

¹⁰Сите Господови патишта се милост и вистина, за оние кои ги чуваат Неговиот Завет и Неговите сведоштва.

¹¹Господи, заради Твоето име, прости ми го гревот, зашто е голем.

¹²Кој е човекот, кој се бои од Господа? Него, Тој ќе го поучи кој пат да избере.

¹³Неговата душа ќе живее спокојно, а неговото семе ќе ја наследи земјата.

¹⁴Господ е близу до оние, кои се бојат од Него, и ќе им го покаже Својот Завет.

¹⁵Моите очи се насочени секогаш кон Господа, зашто Тој ги извлекува моите нозе од мрежата.

¹⁶Погледај ме и смилувај ми се, зашто сум осамен и натажен.

¹⁷Тагите ма моето срце, се умножени, избави ме од моите јадови!

¹⁸Види ги мојата неволја и мака и прости ми ги сите гревови.

¹⁹Погледај ги моите врагови: колку се многу и со каква жестока омраза ме мразат.

²⁰Чувај ја мојата душа и спаси ме: не оставај да се засрамам, зашто се надевам на Тебе.

²¹Невиноста и чесноста нека ме пазат, зашто се надевам на Тебе!

²²Господи, избави го Израел, од сите негови беди.