Read Библија, Константинов Псалми 26 Bible Online

Псалми 26 - Библија, Константинов bible

Псалми 26

¹Давидов псалм. Суди ме, Господи, зашто одев во својата невиност; и се надевам на Господа и нема да се поколебам.

²Испитај ме, Господи, и искушај ме, испитај ми ги бубрезите и срцето.

³Зашто Твојата милост е пред моите очи, и одам во Твојата вистина.

⁴Јас не седам со нечесни луѓе и не се навраќам кај подмолните.

⁵Го мразам друштвото на злосторниците и не седнувам со безбожниците.

⁶Ги мијам своите раце во невиноста и го обиколувам Твојот жртвеник, Господи,

⁷да ја разгласам јавно Твојата фалба и да раскажам за сите Твои прекрасни дела.

⁸О, Господи, го љубам домот во кој престојуваш и местото каде е населена Твојата слава.

⁹Не ми ја погубувај душата со грешниците, ниту мојот живот со крвопијците;

¹⁰злочинот е во нивните раце, а десницата им е полна со поткупи.

¹¹А јас одам во својата невиност, избави ме и смилувај ми се!

¹²Мојата нога стои на прав пат: ќе го благословувам Господа во собранијата.