Read Библија, Константинов Псалми 28 Bible Online

Псалми 28 - Библија, Константинов bible

Псалми 28

¹Давидов псалм. Кон Тебе викам Господи, Карпо моја, не замолкнувај кон мене: да не би ако замолкнеш, бидам како оние што влегуваат во гроб.

²Послушај го мојот глас, кога викам кон Тебе, додека ми се кренати рацете кон Твоето Светилиште.

³Не погубувај ме со нечесните и со оние што прават беззаконие, кои зборуваат мирно со своите ближни, а во срцето им е злоба.

⁴Дај им според нивните дела и според нечесноста на нивните постапки! Плати им според делата на нивните раце, врати им според нивните заслуги!

⁵Зашто тие не внимаваат на Господовите дејства, ниту на делата на Неговите раце: нека ги разурне и повеќе нема да ги изгради!

⁶Благословен да е Господ, зашто го послуша гласот на моите молитви!

⁷Господ ми е сила, Тој е мој штит; моето срце се надеваше на Него и Тој ми помогна; затоа ми се весели срцето и со песни ќе Го славам.

⁸Господ е сила на Својот народ, тврдина на спасението за Својот помазаник.

⁹Спаси го Својот народ и благослови го Своето наследство; паси ги и носи ги довека.