Read Библија, Константинов Псалми 3 Bible Online

Псалми 3 - Библија, Константинов bible

Псалми 3

¹Господи! Колку многу се моите противници, колку многу се креваат против мене!

²Мнозина се што зборуваат за мојата душа: „Нема за него спасение при Бога!”

³Сепак, Господи, Ти си мој штит, моја слава, Ти ми ја воздигна главата.

⁴Со глас извикав кон Господа и Тој ме послуша од Својата Света Гора.

⁵Јас легнувам, спијам и се разбудувам, зашто Господ ме чува.

⁶Не се плашам од десетици илјади луѓе, што се нафрлаат на мене од сите страни.

⁷Стани, о Господи спаси ме, о мој Боже! Ти ги удираш по образи сите мои непријатели, им ги кршиш забите на нечесните.

⁸Спасението е во Бога: Твојот благослов е над Твојот народ.