Read Библија, Константинов Псалми 32 Bible Online

Псалми 32 - Библија, Константинов bible

Псалми 32

¹Давидов псалм. Учење. Блажен е оној, чие беззаконие е простено, и чии гревови се покриени.

²Блазе на човекот кому Господ не му го припишува гревот и во чиј дух нема измама!

³Кога молчев, моите коски се исушија од моето офкање преку целиот ден.

⁴Дење и ноќе, Твојата рака тежеше врз мене, мојата животна влага се претвори во летен припек.

⁵Тогаш го признав својот грев пред Тебе и својата вина веќе не ја криев. Реков: „Ќе му го признам на Господа својот престап,” и Ти ми ја прости вината на мојот грев.

⁶Затоа нека ти се моли секој побожник, кога можеш да бидеш најден; и тогаш потопот на многуте води нема да стигне до него.

⁷Ти си мое прибежиште, Ти ќе ме запазиш од тага, ќе ме опкружиш со радоста на спасението.

⁸„Ќе те учам, ќе ти го покажам патот по кој треба да одиш, ќе те советувам, Моето око ќе бдее над тебе.

⁹Не бидете како коњ или мазга без разум; чија дивина ја скротуваш со оглавник и узда, инаку не би се приближиле до тебе!”

¹⁰Безбожникот го измачуваат многу неволји, а кој се надева на Господа, него милост го опкружува.

¹¹Веселете се во Господа и радувајте се, праведници, викајте радосно сите кои сте со право срце.