Read Библија, Константинов Псалми 46 Bible Online

Псалми 46 - Библија, Константинов bible

Псалми 46

¹За началникот на пејачите. За Кореевите синови. Песна за Аламот. Господ ни е засолниште и тврдина, секогаш проверен помошник во неволја.

²Затоа не се плашиме кога земјата се лулее, кога бреговите се рушат во морето.

³Нека бучат и беснеат морските бранови, нека треперат планините од нивната жестокост:

⁴Реката и нејзините струи го веселат Божјиот Град, пресветиот шатор на Сèвишниот.

⁵Бог е сред него, нема да се разлулее; Бог му помага од првите мугри.

⁶И да беснеат народите, и да се распаѓаат царствата, штом Неговиот глас загрми, земјата се растопува:

⁷Господ на Воинствата е со нас, Јакововиот Бог е наша тврдина!

⁸Дојдете, видете ги Господовите дела, какви чуда Тој направи на земјата:

⁹Ги прекрати војните до крајот на земјата, ги крши лаковите и ги ломи копјата, ги изгорува колите со оган.

¹⁰Молкнете и знајте дека Јас Сум Бог, возвишен над народите, возвишен над целата земја.

¹¹Господ на Воинствата е со нас, Јакововиот Бог е наша тврдина!