Read Библија, Константинов Псалми 47 Bible Online

Псалми 47 - Библија, Константинов bible

Псалми 47

¹За началникот на пејачите. За Кореевите синови. Псалм. Ракоплескајте сите народи, воскликнувајте Му на Бога со радосен глас.

²Зашто тоа е Господ - Сèвишен, страшен, Велик Цар на целата земја.

³Народите ни ги покори, ги стави народите под наши нозе,

⁴ни го избра наследството - славата на Јакова, кого го возљуби.

⁵Бог влегува, со воскликнување, Господ - со трубни звуци.

⁶Пејте Му на Бога, пејте Му, пејте Му на нашиот Цар, пејте Му!

⁷Зашто Тој е Цар на целата земја, пејте Му на Бога песни фалбени!

⁸Бог царува над народите, Бог седи на Својот свет престол.

⁹Народните првенци се прибраа како народот на Авраамовиот Бог. Божји се сите властодржци на земјата, Тој е возвишен над сите нив.