Read Библија, Константинов Псалми 48 Bible Online

Псалми 48 - Библија, Константинов bible

Псалми 48

¹Песна. Псалм за Кореевите синови. Господ е величествен, предостоен за фала, во градот на нашиот Бог, Неговата Света Гора.

²Величествениот рид, е радост на целата земја. Планината Сион на крајниот север, е град на великиот Цар.

³Бог во нејзините дворци, се покажа како цврста тврдина.

⁴Зашто, ете, царевите се сложија, нападнаа заеднички.

⁵Штом видоа, се зачудија, и збунети почнаа да бегаат.

⁶Таму ги опфати трепет, како болки на родилка,

⁷како кога источниот ветер, ги крши тарсиските бродови.

⁸Што чувме, сега гледаме: градот на Господа на Воинствата, градот на нашиот - Бог Бог го зацврстува довека.

⁹Си спомнуваме Боже, за Твојата благост, среде Твојот Храм.

¹⁰Како Твоето име, Боже, така и Твојата слава стигнуваат до крајот на земјата. Твојата десница е полна со правда.

¹¹Нека се весели Сионската Гора, нека се радуваат Јудините ќерки заради Твоите судови!

¹²Обиколете го Сион и поминете преку него, пребројте ги неговите стражарници!

¹³Погледајте ги добро неговите утврдувања; разгледајте ги неговите дворци: за да им раскажувате на идните поколенија;

¹⁴Таков е Бог, нашиот Бог засекогаш и довека! Тој ќе не раководи дури до смрт!