Read Библија, Константинов Псалми 53 Bible Online

Псалми 53 - Библија, Константинов bible

Псалми 53

¹За началникот на пејачите, на дувачка (свирка). Давидово учење. Безумникот рече во своето срце: „Нема Бог!” Расипаните прават гнасни беззаконија; никој не прави добро.

²Бог гледа на човечките синови од небесата, да види има ли некој разумен да Го бара Бога.

³Но, сите свртија заедно, сите се расипаа; никој не прави добро, нема ниеден.

⁴Нема ли да се вразумат тие што прават беззаконие, кои го голтаат мојот народ како да јадат леб? Тие не Го повикуваат Бога.

⁵Од страв ќе треперат, каде и страв нема, зашто Бог ќе ги распрсне коските на оние кои војуваат против тебе. И тие ќе се посрамат, зашто Бог ги отфрли.

⁶О, нека дојде од Сион спасението за Израел! Кога Бог ќе го врати од пленство Својот народ, ќе се радува Јаков, ќе се весели Израел.