Read Библија, Константинов Псалми 54 Bible Online

Псалми 54 - Библија, Константинов bible

Псалми 54

¹За началникот на пејачите. На жичани свирки. Давидова поука, кога дојдоа Зифеите и му рекоа на Саула: „Не ли се крие Давид кај нас.” Спаси ме, Боже, со Твоето име, и со Твојата сила извојувај ми правда!

²Послушај ја, Боже, мојата молитва, и сослушај ги зборовите на мојата уста!

³Зашто туѓинци станаа против мене и силниците го бараат мојот живот: го немаат Бога пред себеси.

⁴Ете, Бог ми помага, Господ го крепи мојот живот.

⁵Ја свртува несреќата врз моите непријатели, истреби ги со Твојата вистина.

⁶Радосно, од срце, ќе Ти принесам жртва, ќе Го фалам Твоето Име, Господи, зашто е благо;

⁷зашто Ти ме избави од секоја мака, и моето око ги виде засрамени моите непријатели.