Read Библија, Константинов Псалми 58 Bible Online

Псалми 58 - Библија, Константинов bible

Псалми 58

¹За началникот на пејачите. Не погубувај! Давидово пишување. Зборувате ли вистина, правда, вие силници, праведно ли судите, човечки синови?

²Не, туку смислено беззаконие правите, вашите раце делат неправда по земјата.

³Безбожниците се на крив пат уште од раѓањето, лагачите се на крив пат од мајчината утроба.

⁴Во нив е отров како во змијата, како во лутица што ги затнува ушите,

⁵за да не го чуе волшебниковиот глас, ни гласот на бајачот што вража искусно.

⁶О Боже, скрши им ги забите во устата, о Господи, здроби им ги вилиците на лавчињата!

⁷Нека се излеат како водите што истечуваат, кога ќе го растегнеш својот лак, нека бидат како обезглавени.

⁸Нека исчезнат како полжав што се топи лазејќи, нека не видат сонце како пометнато новороденче.

⁹Пред котлите ваши да го почувствуваат трњето, виорот нека го однесе додека е зелено.

¹⁰Праведникот ќе се израдува кога ќе ја види одмаздата, нозете ќе ги измие во крвта на злосторникот.

¹¹И ќе речат луѓето: „Праведникот го доби својот плод! Навистина има Бог, Кој суди на земјата!”