Read Библија, Константинов Псалми 63 Bible Online

Псалми 63 - Библија, Константинов bible

Псалми 63

¹Давидов псалм, кога бил во Јудејска пустина. О Боже, Ти си мој Бог: горливо Те барам Тебе; Мојата душа жеднее по Тебе, моето тело копнее по Тебе, како сува, жедна и безводна земја.

²Те согледував Тебе во Светилиштето, гледајќи Ти ја славата и силата.

³Твојата љубов е подобра од животот, моите усни ќе Те слават.

⁴Така ќе Те благословувам додека сум жив, во Твое име ќе ги кревам рацете.

⁵Мојата душа ќе биде сита како од сало и масло, ќе Те фалам со радосни усни.

⁶Си спомнувам за Тебе, во постелата, размислувам за Тебе во ноќните бдеења.

⁷Ти ми стана помош, радосно извикувам во сенката на Твоите крилја.

⁸Мојата душа се прилепува кон Тебе, Твојата рака ме потпира.

⁹Оние што ја туркаат мојата душа кон пропаст, нека слезат во длабочините на земјата,

¹⁰нека и бидат предадени на власта на мечот, нека станат плен на лисиците.

¹¹А царот ќе се весели во Бога; ќе биде фален секој, кој се колне во Него, зашто ќе им биде затната устата на оние што зборуваат невистина.