Read Библија, Константинов Псалми 64 Bible Online

Псалми 64 - Библија, Константинов bible

Псалми 64

¹За началник на пејачи. Давидов псалм. Послушај го, Боже, гласот на мојата жалба, чувај ми го животот од страшен непријател!

²Штити ме од множество лукави, скриј ме од бесот на злодејците.

³Кои ги острат јазиците како мечеви, исфрлаат отровни зборови како стрели,

⁴за да го ранат потајно невиниот, за да го ранат одненадеж, не плашејќи се од ништо.

⁵Подготвени се за пакосно дело, смислуваат како да постават крадум стапици и зборуваат: „Кој ќе нè види?”

⁶Измислуваат злодела, спремни сме со смислени намери: мислата и човечкото срце се длабока бездна.

⁷Но Бог ги ранува со стрела, одненадеж ги прекриваат рани.

⁸Сопствениот јазик ќе ги сопне, ќе бегаат од нив оние што ги гледаат:

⁹сите се плашат, го слават Божјото дело и мислат за она што Тој направи.

¹⁰Праведникот се весели во Господа, на Него се надева; и чесните извикуваат радосно со сето срце.