Read Библија, Константинов Псалми 66 Bible Online

Псалми 66 - Библија, Константинов bible

Псалми 66

¹За началник на пејачи. Песна. Воскликни му на Бога, сета земјо,

²опеј ја славата на Неговото име, подај Му достојна фала.

³Речете на Бога: „Колку се страшни Твоите дела! Непријателите Ти ласкаат, заради Твојата голема сила.

⁴Целата земја нека Ти се поклонува и нека Ти пее, нека Му пее на Твоето име!”

⁵Дојдете и видете ги Божјите дела: направи чуда меѓу човечките синови.

⁶Тој го претвори морето во суво копно, со нозете ја пребродија реката, заради тоа да Му се радуваме!

⁷Владее довека со Својата сила, Неговите очи ги набљудуваат народите, за да не се кренат бунтовни луѓе.

⁸Благословувајте Го, народи, нашиот Бог, разгласувајте ја Неговата фала!

⁹& дарува живот на нашата душа и не остави да ни се сопне ногата.

¹⁰Ти нè искуша о Боже, нè искушуваше, како сребро, со оган.

¹¹Нè остави да паднеме во стапица, ги стисна со вериги нашите слабини.

¹²Остави да ни јаваат на глава: поминавме низ оган и вода, тогаш нè изведе во изобилие.

¹³Ќе влезам со паленица во Твојот дом, ќе ги исполнам заветите пред Тебе,

¹⁴што ги ветија моите усни, што ги заветува мојата уста во неволја.

¹⁵Ќе Ти принесам паленици од мрсно, со мирис на овни, ќе жртвувам волови и јариња.

¹⁶Дојдете, чујте, сите, што се боите од Бога, ќе ви раскажувам што и направи на мојата душа!

¹⁷Со својата уста Го повикав Него, со јазикот Го фалев.

¹⁸Ако мислев зло во срцето, Господ не би послушал.

¹⁹Но Бог ме услиши: Обрна внимание на гласот на мојата молитва.

²⁰Благословен да е Бог, Кој не ми ја одби молитвата, Кој не ја отстрани од мене Својата милост.