Read Библија, Константинов Псалми 75 Bible Online

Псалми 75 - Библија, Константинов bible

Псалми 75

¹За началник на пејачи. Не погубувај! Асафов псалм. Песна. Те славиме Боже, Те славиме, и го повикуваме Твоето име, ги проповедаме Твоите чудеса.

²„Кога ќе го одредам времето, ќе судам право.

³Па нека се стресе земјата со сите свои жители, Јас ги зацврстив нејзините столбови.

⁴Ги опоменувам дрските: *Не бидете дрски!* Безбожниците: *Не бидете толку рогливи!

⁵Не кревајте го својот рог против небото, не зборувајте дрско и тврдоврато!*”

⁶Зашто издигањето не доаѓа ниту од исток ниту од запад, ниту пак од пустината.

⁷Бог е Кој суди: овој го понижува, оној го возвишува!

⁸Зашто во Господовата рака е чашата полна со пенушливо вино, добро измешано; Тој напојува од неа, до капка ќе ја испијат и ќе ја исцедат сите злосторници на земјата.

⁹А јас ќе извикнувам радосно довека, ќе Му пеам на Јакововиот Бог.

¹⁰Ќе им ги скршам роговите на безбожниците, а роговите праведнички ќе бидат возвишени.