Read Библија, Константинов Псалми 82 Bible Online

Псалми 82 - Библија, Константинов bible

Псалми 82

¹Асафов псалм. Бог стои во соборот на боговите, одржува суд среде боговите.

²„До кога ќе судите неправедно, ќе им одите на рака на безбожниците?

³Заштитувајте ги: бедниот и сирачето, дајте им правда на јадникот и сиромашниот!

⁴Избавете го измачуваниот и слабиот, истргајте го од безбожни раце!”

⁵Не сфаќаат ниту разбираат, одат во темнина: сите основи на земјата се разлулеани.

⁶Навистина реков: „Вие сте богови и сите сте синови на Сèвишниот!”

⁷Но ќе умрете како сите луѓе, ќе паднете како секој од големите!”

⁸Боже, стани и суди ја земјата, зашто Си, со право, Господар на сите народи.