Read Библија, Константинов Псалми 85 Bible Online

Псалми 85 - Библија, Константинов bible

Псалми 85

¹За началникот на пејачите. За Корееви синови. Псалм. Господ ја засака пак Својата земја, кон добро ја заврте Јакововата судбина.

²Му ги прости беззаконијата на Својот народ, ги покри сите негови гревови.

³Ја воздржа сета Своја лутина, се откажа од Својот распален гнев.

⁴Обнови нè Боже, Спасителе наш, и отфрли ја зловолјата против нас!

⁵Зар ќе се гневиш довека на нас! Преносувајќи ја Својата насрденост од род на род?

⁶Зар нема да нè оживееш пак, за да се радува Твојот народ во Тебе?

⁷Господи, покажи ни ја Својата милост и дај ни го Своето спасение.

⁸Да го послушам тоа што ми зборува Господ Бог: зашто Тој ќе им зборува за мир: на својот народ, на Своите избраници, но нека не се свртат пак кон безумие.

⁹Навистина, близу е Неговото спасение за оние што се бојат од Него, и Неговата слава ќе живее во нашата земја.

¹⁰Љубовта и вистината ќе се состанат, правдата и мирот ќе се прегрнат.

¹¹Вистината ќе никнува од земјата, правдата ќе гледа од небесата.

¹²Да, Господ ќе даде добро, а нашата земја својот плод.

¹³Правдата ќе врви пред Него, и ќе направи пат за Неговите стапки.