Read Библија, Константинов Псалми 96 Bible Online

Псалми 96 - Библија, Константинов bible

Псалми 96

¹Пејте Му на Господа нова песна! Пеј Му на Господа цела земјо!

²Пејте Му на Господа, благословувајте Го Неговото име! Проповедајте го од ден на ден, Неговото спасение,

³кажувајте им ја на многубошците Неговата слава, на сите народи Неговите чуда.

⁴Зашто Господ е велик, предостоен за фалба, пострашен е од сите богови!

⁵Ништожни се сите богови на народите. Господ ги создаде небесата!

⁶Пред него се: славата и величието, силата и красотата во Неговото Светилиште.

⁷Дајте Му на Господа, племиња на народите, дајте Му на Господа, слава и сила!

⁸Дајте Му ја на Господа славата на Неговото име! Принесете жртви и влезете во Неговите дворови,

⁹поклонете Му се на Господа во сјајот на Неговата светост. Трепери пред Неговото лице, цела земјо!

¹⁰Нека се зборува меѓу многубошците: „Господ царува!” Затоа вселената е цврста и нема да се измести, праведно управува со народите.

¹¹Веселете се, небеса, и радувај се земјо! Нека шуми морето и што е во него!

¹²Нека се радува полето и што е во него, нека пеат радосно горските дрвја,

¹³пред Господа, зашто доаѓа, зашто доаѓа да и суди на земјата. Ќе му суди на светот со правда и на народите според Својата вистина.