Read Библија, Константинов Псалми 97 Bible Online

Псалми 97 - Библија, Константинов bible

Псалми 97

¹Господ царува: нека се радува земјата; нека се веселат многубројните острови!

²Облак и темнина Го обвиваат наоколу; правдата и судот се основа на Неговиот престол.

³Оган оди пред Него и ги изгорува Неговите непријатели отсекаде.

⁴Секавиците Му ја осветлуваат вселената, земјата го гледа тоа и трепери.

⁵Планините се топат, пред Господа, како восок, пред Владетелот на целата земја.

⁶Небесата ја навестуваат Неговата правда, сите народи ја гледаат Неговата слава.

⁷Нека се засрамат сите што се поклонуваат пред слики и кои се фалат со идоли. Поклонете Му се, сите богови!

⁸Сион слуша радосно, и Јудините ќерки извикуваат весело, заради Твоите судови, о Господи!

⁹Зашто Ти си, о Господи, Сèвишен над целата земја, високо, високо, над сите богови.

¹⁰Господ ги љуби оние, кои го мразат злото, Тој ги чува душите на Своите свети, ги избавува од рацете на нечесните.

¹¹Светлината се излева врз праведникот и радост за чистите во срцето.

¹²Радувајте се, праведници, во Господа, славете Го Неговото свето Име.