Read Библија, Константинов Изреки 13 Bible Online

Изреки 13 - Библија, Константинов bible

Изреки 13

¹Мудриот син ја слуша татковата поука, а потсмевачот не го слуша изобличувањето.

²Од плодот на својата уста човекот ја ужива добрината, а срцето на беззакониците е полно со насилство.

³Кој ја пази својата уста го пази својот живот, а кој зборува невнимателно, за главата му е.

⁴Душата на мрзливиот сака но без успех, а ќе се исполни желбата на трудољубивите.

⁵Праведникот мрази лажлив збор, а нечесниот постапува нечесно и срамно.

⁶Правдата го чува непорочниот во патот, а гревот го сосипува грешникот.

⁷Некој се преправа на богат, а нема ништо; некој се преправа на беден, а има големо богатство.

⁸Со своето богатство човекот го откупува животот, а бедниот не ги слуша заплашувањата.

⁹Светлината на праведните секогаш е радост, а светилката на нечесниот гаси.

¹⁰Гордоста раѓа само препирки, а мудроста е во оние, кои примаат совет.

¹¹Со измама придобиено богатство исчезнува, а кој собира со труд, го умножува.

¹²Одложуваната надеж го изнемоштува срцето, а исполнетата желба е дрво на животот.

¹³Кој го презира словото, тој пропаѓа, а кој ги почитува заповедите, добива плата.

¹⁴Поуката на мудриот е животен извор, таа избавува од примките на смртта.

¹⁵Добриот разум прибавува пријатност, а патот на беззакониците е нерамен.

¹⁶Секој умен дејствува промислено, а безумникот се фали со својата лудост.

¹⁷Лошиот гласник паѓа во зло, а верниот пратеник донесува исцеление.

¹⁸Сиромаштија и срам ќе дојде за оној, кој ја отфрла поуката, а кој го прима укорот ќе дојде до чест.

¹⁹Слатка и е на душата исполнетата желба, а на безумниците им е омразено да се отстрануваат од злото.

²⁰Дружи се со мудрите, и ќе станеш мудар, а кој другарува со безумниците станува лош.

²¹Злото ги гони грешниците, а доброто е награда на праведните.

²²Добриот човек го остава наследството на своите внуци, а богатството на грешникот се чува за праведникот.

²³Изобилно храна има на нивата на сиромасите, а има и кој пропаѓа од неправеден суд.

²⁴Кој ја штеди прачката, го мрази својот син, а кој го љуби, го казнува на време.

²⁵Праведикот има јадење до ситка, а стомакот на нечесните ја познава скудноста.