Read Библија, Константинов Изреки 19 Bible Online

Изреки 19 - Библија, Константинов bible

Изреки 19

¹Подобар е сиромавиот кој живее во непорочност, отколку човек со нечесни усни и при тоа и безумен.

²Ревносна душа без разумност не е добра, и кој оди брзо, се сопнува.

³Безумието го расипува животот на човекот, а срцето му се лути на Господа!

⁴Богатството прибавува многу пријатели, а бедниот го остава и неговиот пријател.

⁵Лажливиот сведок не останува без казна, и кој шири лаги, нема да избега.

⁶Мнозина му ласкат на лицето на дародавецот, и секој му е пријател на дарежлив човек.

⁷Бедниот го мразат сите негови браќа, уште повеќе се оддалечуваат од него, неговите пријатели. Тој копнее за добри зборови, но не ги наоѓа.

⁸Кој стекнува разумност, си ја сака душата, а кој го чува разумот, наоѓа среќа.

⁹Лажливиот сведок не останува без казна, и кој шири лаги, ќе пропадне.

¹⁰Не му прилега на безумен да живее раскошно, уште помалку на слуга да владее над кнезовите.

¹¹Благоразумието го запира човекот од гнев, и чест му е да ја прости грешката.

¹²Гневот на царот е како рикање на лав, а неговата благонаклонетост како роса на трева.

¹³Безумниот син е несреќа за својот татко, и женините препирки се постојано прокиснување.

¹⁴Куќата и богатството се наследуваат од татковците, а благоразумната жена е од Господа.

¹⁵Мрзливоста навлекува врз човекот длабок сон, и неработливата душа гладува.

¹⁶Кој се придржува до заповедта, го чува својот живот, а кој не внимава на своите патишта умира.

¹⁷На Господ му позајмува кој е милостив кон бедниот, и Тој ќе му го плати добротворството.

¹⁸Казнувај го својот син додека има надеж, и не се возбудувај од неговото викање.

¹⁹Кој е јаростен, ќе биде казнет, ако сакаш да му помогнеш ќе направиш полошо.

²⁰Слушај совет и примај поука, за да станеш мудар во твоите последни денови.

²¹Има многу замисли во човековото срце, но што ќе науми Господ, тоа и ќе биде.

²²Чест за човекот е неговото добротворство, и сиромавиот е подобар од лажливецот.

²³Стравот од Господа дава живот, и кој ќе се исполни со него, злото не го посетува.

²⁴Мрзливецот ја макнува раката во чинијата, но не ја принесува до својата уста.

²⁵Ако го удриш потсмевнувачот, и простиот ќе се изитри. Ако го изобличиш разумниот, тој ќе го сфати знаењето.

²⁶Срамен и расипан син е оној, кој го запустува таткото и ја истерува мајката.

²⁷Престани, сине мој, да ги слушаш поуките што одведуваат од зборовите на сознанието.

²⁸Нечесниот сведок и се потсмевнува на правдата, и устата на нечесниот ја голта неправдата.

²⁹Подготвени се казните за потсмевнувачите, и ударите за плеќите на безумните.