Read Библија, Константинов Изреки 22 Bible Online

Изреки 22 - Библија, Константинов bible

Изреки 22

¹Добро име е подобро од големо богатство, и подобра е милоста од сребро и злато.

²Богатиот и сиромавиот се сретнуваат: Господ ги создаде двајцата.

³Претпазливиот го предвидува злото и се скрива, а неразумните одат напред, и претрпуваат казна.

⁴Наградата за понизност е: страв од Господа, богатство, слава и живот.

⁵Трње и примки се на патот на измамникот; кој го чува својот живот, далеку е од двете.

⁶Упатувај го детето по неговиот пат, па кога и ќе остари, нема да отстапи од него.

⁷Богатиот владее над бедните, а должникот е слуга на позајмувачот.

⁸Кој сее неправда - жнее жалост, и прачката на неговиот гнев ќе го удри него - самиот.

⁹Милостивото око бидува благословено, зашто дава од својот леб на бедниот.

¹⁰Истерај го потсмевачот и ќе прекрати раздорот, и ќе исчезнат неслогата и навредата.

¹¹Тој кој љуби чисто срце, и кој има љубезни усни, царот му е пријател.

¹²Господовиот поглед го чува знаењето, а Тој ги отфрлува зборовите на неверникот.

¹³Мрзливецот вели: „Лавот е надвор, би ме убил среде улицата.”

¹⁴Устата на блудницата е длабока јама, и на кого се лути Господ, паѓа таму.

¹⁵Глупоста се прилепува до срцето на детето, прачката на поуката ја отстранува од него.

¹⁶Кој го угнетува бедниот за да се збогати, и кој дава на богатиот - ќе осиромашат.

¹⁷Беседи на мудреците: наведни го увото и чуј го моето слово и земи го при срце моето знаење,

¹⁸зашто е пријатно ако ги пазиш во твојата внатрешност и ако ти бидат на твоите усни.

¹⁹За да биде твојата надеж во Господа, денес те поучувам и тебе.

²⁰Ти напишав триесет пати што совети, што поуки,

²¹за да те поучам на зборовите на вистината, да можеш со веродостојни зборови да му одговориш на оној, кој ќе те запраша.

²²Не ограбувај го бедниот зашто е беден, и не гази го сиромашниот во судот,

²³зашто Господ ќе го заштитува делото нивно, и ќе им го одземе животот на оние што ним им го одземаат.

²⁴Не спријателувај се со гневлив, и не оди со бесен човек,

²⁵за да не свикнеш на неговите патишта и да не наместиш стапица за својата душа.

²⁶Не биди меѓу оние што даваат рака, кои емчат за долгови;

²⁷ако немаш со што да надоместиш, зошто да ти ја одземат и постелата од под тебе?

²⁸Не преместувај ги старите меѓи, што ги поставија твоите татковци.

²⁹Дали си видел човек трудољубив во својата работа? Таквиот има пристап при царевите и не им служи на простаците.