Read Библија, Константинов П.надПесн. 6 Bible Online

П.надПесн. 6 - Библија, Константинов bible

П.надПесн. 6

¹„Каде отишол твојот возљубен, о, нјубава меѓу жените? Каде го снема твојот возљубен, за да го бараме со тебе?”

²Мојот возљубен слезе во својата градина, при леите со мирисливи билки, да пасе по градините и да собира лилјани.

³Јас му припаѓам на мојот возљубен, мојот возљубен ми припаѓа мене; тој пасе меѓу лилјаните.

⁴Убава си, моја возљубена, како Терса, красна си како Ерусалим, страшна како војска под знамињата.

⁵Одврати ги твоите очи од мене, зашто ме збунуваат.

⁶Твојата коса е како стадо кози, што слегуваат од Галад. Забите ти се како стадо истригани овци кога доаѓаат од капење: идат две и две како близначки, и ниедна не е осамена.

⁷Твоите образи се како калинкини половинки под твојот превез.

⁸Има шеесет царици и осумдесет наложници и безброј девици.

⁹Но само една е мојата гулабица, мојата совршена единствена на мајката, избраница на својата родителка. Девиците ја видоа и и заблажеваа, а цариците и наложниците ја пофалија.

¹⁰Која е оваа која доаѓа како мугрите што осамнуваат, прекрасна е како месечината, сјајна како сонцето, страшна како војска под знамињата?

¹¹Слегов низ ореови насади, за да ги видам младите растенија во долината, за да видам дали распупиле лозјата, дали цветаат калинките?

¹³„Врати се, врати се, Суламко, врати се за да те гледаме.” Што ќе видите на Суламка, која игра во две дружини?