Read Библија, Константинов П.надПесн. 7 Bible Online

П.надПесн. 7 - Библија, Константинов bible

П.надПесн. 7

¹Колку се убави твоите нозе во обувките, кнежевска ќерко! Заобленоста на твоите бедра се како огрлици, дело на рацете на искусен уметник.

²Папокот ти е тркалезна чаша, што никогаш не е без пијалак; мевот ти е како стог пченица, заграден со лилјани.

³Твоите две гради се како две срничиња- близначиња на срната.

⁴Твојот врат е како столб од слонова коска. Твоите очи се како езерчињата во Есевон, кај Ватравимската Врата. Носот ти е како ливанска стражарница, што гледа кон Дамаск.

⁵Твојата глава е како гората Кармил, а косата на главата како црвено сукно, и царот се сплетка во нејзините плетенки.

⁶Колку си прекрасна, колку си привлечна, о, највозљубена, меѓу милините!

⁷Растот твој е како палма, твоите гради се гроздови.

⁸Си реков: ќе се искачам на палмата, да ги дофатам нејзините врвови; а твоите гради ќе бидат како гроздови на лоза; мирисот на твојот здив како јаболка.

⁹Твојата уста е како најдобро вино, што тече направо кон мојот возљубен, како што тече низ усните на заспаните.

¹⁰Јас му припаѓам на мојот возљубен, и тој има желба по мене.

¹¹Дојди, возљубен мој, ќе одиме во полето, ќе ноќеваме во селата.

¹²Наутро ќе одиме во лозјата, за да видиме дали распупува лозата, дали се зафаќа грозјето, дали расцветаа калинките? Таму ќе му ја дадам мојата љубов.

¹³Калинките шират мирис, во нашите куќи има секакви овошки: нови и стари, за тебе ги чував, о највозљубен мој!