Read Библија, Константинов Левит (3 Moj.) 2 Bible Online

Левит (3 Moj.) 2 - Библија, Константинов bible

Левит (3 Moj.) 2

¹‘Ако некој сака да Му принесе на Господа жртва лебен принос, неговиот дар нека биде од чисто брашно; нека го излее со елеј и нека стави темјан на него.

²Тогаш нека им го донесе на Ароновите синови, на свештениците. И нека земе полн грст брашно со маслото и со сиот темјан и свештеникот нека го изгори тоа на жртвеникот, за спомен. Тоа е жртва палена на Господа за пријатен мирис.

³А што ќе остане од лебниот принос нека им припадне на Арона и на неговите синови - најсветото од Господовите жртви.’

⁴‘Ако сакаш да принесеш лебен принос печен во печка, тоа нека бидат бесквасни погачи од чисто брашно, замесени со масло, или бесквасни кори, намачкани со масло.

⁵Ако твојот дар биде лебен принос печен во сад за пржење, нека биде од чисто брашно, бесквасен и замесен со масло.

⁶Раскрши го на делови и излеј масло на нив: тоа е лебен принос.

⁷Ако твојот лебен принос е варен во сад за варење, нека биде од чисто брашно со масло.

⁸Принесувај Му на Господа лебен принос направен така! Нека му биде предаден на свештеникот, а тој ќе го принесе кон жртвеникот.

⁹Свештеникот нека оддели дел од лебниот принос, за спомен, па нека го изгори на жртвеник: како жртва паленица на Господа за пријатен мирис!

¹⁰А остатоците од лебниот принос за Арона и за неговите синови - тоа е најсветото од Господовите жртви.’

¹¹’Никаков лебен принос, што ќе му го принесуваш на Господа, да не биде правен со квас, зашто не смееш да гориш ни квас ни мед како жртва паленица за Господа.

¹²Принесувајте ги како приноси од првите плодови; но нека не бидат горени на жртвеникот за пријатен мирис.

¹³Посоли го секој свој лебен принос. Не оставај ги твоите лебни приноси без солта на Заветот со твојот Бог: при секој твој принос принесувај и сол.’

¹⁴‘Ако му принесуваш на Господа лебен принос од првите плодови, принеси во дар од твоите првини од класјето, пржени на оган, или брашно од сомлени зрна.

¹⁵И излеј масло и стави темјан врз него: тоа е лебен принос.

¹⁶А свештеникот нека ги изгори: дел од зрната и маслото со сиот темјан, како жртва паленица на Господа.’