Read Библија, Константинов Езекиел 15 Bible Online

Езекиел 15 - Библија, Константинов bible

Езекиел 15

¹И ми дојде Господово слово:

²”Човечки сине! Во што е стеблото на лозата подобро од другите горски дрва?

³Дали служи да се направи нешто од него? Дали се делка клин од него, за да се обеси нешто на него?

⁴Ете, се фрла во оган за да изгори: кога огнот ќе му ги изгори двата краја и средината му ја спалува, може ли уште да послужи за нешто?

⁵Ете, ни тогаш кога беше цело од него не можеше ништо да се направи. И така, за што може да послужи кога пламенот ќе го изгори?

⁶Затоа Господ Бог зборува вака: ‘Како што стеблото на лозата меѓу другите дрва, го фрлив во огнот, за да изгори, така ќе постапам и со Ерусалимците!

⁷Ќе го насочам Своето лице против нив, и кога ќе се избават од еден оган, друг ќе ги проголта. И ќе сознаете дека Јас Сум Господ, кога Своето лице ќе го насочам против нив

⁸и ќе ја запустам сета земја, зашто Ми беа неверни!’ - говори Господ Бог.”