Read Библија, Константинов Езекиел 19 Bible Online

Езекиел 19 - Библија, Константинов bible

Езекиел 19

¹А ти, човечки сине, затажи со тажачка за Израелевите кнезови.

²Речи: ‘Што беше твојата мајка? Лавица меѓу лавовите, лежеше меѓу лавчињата, хранејќи ги своите млади.

³И исхрани едно младо, кое стана лав. Откако се научи да го дере пленот, почна да ги голта луѓето!

⁴Народите се здружија против него, лавот падна во нивната јама, го одведоа во вериги во Египетската Земја.

⁵А кога мајката виде дека чека напразно и дека и пропадна надежта, зеде друго младо и направи лав од него.

⁶Откако се научи да го дере пленот, почна да ги голта луѓето,

⁷да им ги разурнува тврдините, да им ги запустува градовите, земјата се стресе и сè врз неа од силната негова рака.

⁸Но луѓето од околните места се дигнаа против него и му поставија стапица; и лавот се фати во нивната јама.

⁹Окован го затворија во решетка, го одведоа при вавилонскиот цар, таму го затворија во тврдина, за да не му се слуша веќе рикањето по Израелевите гори.

¹⁰Твојата мајка беше како лоза посадена покрај вода, родна и гранчеста од изобилство на вода!

¹¹Имаше силна гранка за владетелска палка, се воздигна над венецот на стеблото, лична со височината, со многу гранчиња.

¹²Но во гнев беше откорната и фрлена на земја. Источникот и го исуши родот: се скрши и овена нејзината силна гранка, и огнот ја голтна.

¹³Беше пресадена во пустина, во сува земја безводна.

¹⁴Но се разгоре пламен од нејзината прачка и и ги спали гранките и плодовите! И нема веќе врз неа силна гранка за владетелска палка.’” Еве, тоа е тажачка и ќе остане тажачка.