Read Библија, Константинов Амос 1 Bible Online

Амос 1 - Библија, Константинов bible

Амос 1

¹Зборовите на Амос, пастир од Текое. Неговите виденија за Израел во доба на јудејскиот цар Озиј и Еровоам, синот на Јоас, израелски цар, на две години пред земјотресот.

²Тој вели: „Господ грми од Сион, гласот Му се разнесува од Ерусалим; сточарските пасишта жалат, и се суши врвот на Кармил.”

³Господ зборува вака: „За три злостори на Дамаск, за четири злочини, одлуката е неотповиклива: зашто го вршеа Галад со железни орудија.

⁴Ќе пуштам оган на Азаиловиот дом за да ги изгори Вен-Ададовите дворци;

⁵ќе му ги скршам лостовите на Дамаск ќе ги истребам жителите на Викат-Авен и жезлоносецот од Бет-Еден; арамскиот народ ќе отиде во ропство во Кир,” говори Господ.

⁶Господ зборува вака: „За три злостори на Газа, за четири злочини, одлуката е неотповиклива: зашто одведоа сè во ропство и му го предадоа на Едом,

⁷ќе пуштам оган врз ѕидовите на Газа за да и ги изгори дворците.

⁸Ќе ги истребам азотските жители и жезлоносецот од Аскалон. ќе испружам рака врз Акарон за да загине филистејскиот Остаток,” говори Господ Бог.

⁹Господ зборува вака: „За три злостори на Тир, за четири злодејства, одлуката е неотповиклива: зашто му ги предаде сите заточеници на Едом и не се сетија за братскиот сојуз.

¹⁰Ќе пуштам оган на ѕидовите на Тир за да ги изгори нивните дворци.”

¹¹Господ зборува вака: „За три злостори на Едом, за четири злодејства, одлуката е неотповиклива: зашто го гонеше братот со меч, задушувајќи ја својата сомилост, зашто го распламтуваше секогаш својот гнев, зашто го поттикнуваше својот бес.

¹²Ќе пуштам оган на Теман за да ги изгори дворците во Восор.”

¹³Господ зборува вака: „За три злодејства на Амоновите синови за четири злостори, одлуката е неотповиклива: зашто ги распарува галадските трудници за да ги рашират своите граници,

¹⁴ќе запалам оган на ѕидовите на Рава за да и ги изгори дворците, со бојна врева во ден на војна, со бури во ден на виори,

¹⁵а царот ќе им отиде на заточение, тој и неговите кнезови со него,” говори Господ.