Read Библија, Константинов Броеви (4 Moj.) 13 Bible Online

Броеви (4 Moj.) 13 - Библија, Константинов bible

Броеви (4 Moj.) 13

¹Господ му рече на Мојсеја:

²„Испрати луѓе, по еден човек од секое прадедовско племе, за да ја извидат Ханаанската Земја, што им ја давам на Израелевите синови. Испратете ги сите нивни главатари!”

³По Господова заповед Мојсеј ги испрати од Фаранската Пустина. Сите тие луѓе беа главатари на Израелците.

⁴А ова се нивните имиња: Самоил, син Захуров, од Рувимовото племе;

⁵Сафат, син Хориев, од Симеоновото племе;

⁶Халев, син Ефониев, од Јудиното племе;

⁷Игал, син Јосифов, од Исахаровото племе;

⁸Осиј, син Навинов, од Ефремовото племе;

⁹Фалтиј, син Рафуев, од Венијаминовото племе;

¹⁰Гадиил, син Содиев, од Завулоновото племе;

¹¹Гадиј, син Сусиев, од Јосифовото племе, од Манасиевото племе;

¹²Амил, син Гамалиев, од Дановото племе;

¹³Сетур, син Михаилов од Асировото племе;

¹⁴Навиј, син Вопсиев, од Нефталимовото племе;

¹⁵Гуел, син Макхиев, од Гадовото племе.

¹⁶Тоа се имињата на луѓето кои ги испрати Мојсеј за да ја извидат земјата.

¹⁷Мојсеј ги испрати да ја согледаат Ханаанската Земја па им рече: „Одете горе во Негев, и искачете се на гората.

¹⁸Разгледајте ја каква е земјата. Дали народот, што живее во неа, е силен или слаб, дали е малуброен или е многуброен?

¹⁹Каква е земјата во која живее: добра или лоша? Какви се градовите во кои престојува: отворени или утврдени?

²⁰Каква е почвата: плодна или посна? Има ли дрва по неа или нема? Бидете слободни и земете од плодовите на таа земја.” Туку што беше време на раното грозје.

²¹Тие отидоа горе да ја извидат земјата од пустината Син до Реова, што е на влезот во Емат.

²²Се искачија на Негев и дојдоа до Хеврон, каде се наоѓаа Ахиман, Сесиј и Телиман, Енакови синови. Хеврон е основан седум години порано отколку Зоан во Египет.

²³Кога стигнаа во долината Есхол, отсекоа таму лоза со грозд и го понесоа, двајца, на стап; зедоа и калинки и смокви.

²⁴Тоа место беше наречено Долина Есхол, заради гроздот што Израелците го отсекоа таму.

²⁵По четириесет денови се вратија од земјата што ја согледуваа.

²⁶Отидоа при Мојсеја и Арона и при целото Израелско општество во Кадис, во Фаранската Пустина. Им поднесоа извештај ним и на целата заедница, а тогаш им ги покажаа плодовите на земјата.

²⁷И тие го известија: „Отидовме во земјата во која што нè испрати. Навистина низ неа течат мед и млеко. Еве ги нејзините плодови.

²⁸Но силен е народот што живее во земјата, градовите се утврдени и многу се големи. А видовме таму и Енакови потомци.

²⁹Амаликците живеат во Негевскиот крај; Хетејците, Евусејците и Аморејците живеат на планината, а Ханаанците се наоѓаат покрај морето и вдолж на Јордан.”

³⁰Халев го замолчи народот околу Мојсеја и проговори: „Да тргнеме не двоумејќи се и да ја заземеме, зашто можеме да ја покориме!”

³¹Но луѓето кои одеа со него одговорија: „Не можеме да одиме против оној народ, зашто е посилен од нас.”

³²И почнаа да ја прикажуваат лошо, пред Израелците, земјата што ја согледуваа: „Земјата низ која поминавме за да ја извидиме е земја што ги голта своите жители. Сиот народ што го видовме во неа се луѓе со крупен раст.

³³Видовме и дивови таму - Енаковото потомство од дивови. Ни се чинеше дека сме како скакулци спрема нив.”