Read Библија, Константинов Броеви (4 Moj.) 26 Bible Online

Броеви (4 Moj.) 26 - Библија, Константинов bible

Броеви (4 Moj.) 26

¹После тоа зло Господ им рече на Мојсеја и на Елеазара, синот на свештеникот Арон:

²„Извршете попис на сето општество на Израелевите синови, по нивните семејства, запишете ги сите, од дваесет години па нагоре, кои се способни за војна во Израел.”

³И така, Мојсеј и свештеникот Елеазар ги изброија, во Моавските Полиња, покрај Јордан близу Ерихон,

⁴сите од дваесет години па нагоре, како што Господ им нареди на Мојсеја и на Израелевите синови, кои излегоа од Египетската Земја:

⁵Израелевиот првенец Рувим. Рувимови синови: од Енох родот на Еноховците; од Фалуј родот на Фалуевците;

⁶од Асрон родот на Асроновците и од Хармиј родот на Хармиевците.

⁷Тоа се Рувимовите родови. Нив ги имаше четириесет и три илјади и седум стотини и триесет.

⁸Елијав беше Фалуев син,

⁹а Елијавови синови: Намуил, Датан и Авирон. Овие: Датан и Аврион беа угледни членови на општеството, кое се подигна против Мојсеја и Арона во Кореевата буна, кога се побунија против Господа.

¹⁰Тогаш земјата ја отвори својата утроба и ги проголта заедно со Кореј, кога смртта ја грабна таа група и кога огнот голтна двеста и педесет луѓе. Така станаа опомена за другите.

¹¹Но, Кореевите синови не загинаа.

¹²Симеонови синови по нивните поколенија: од Намуил родот на Намуиловци; од Јамин родот на Јаминовците;

¹³од Зара родот на Заринците и од Саул родот на Сауловците.

¹⁴Тие се Симеоновите родови: дваесет и две илјади и двеста.

¹⁵Гадовите синови по нивните родови: од Сифон родот на Сифоновци; од Агиј родот на Агиевци; од Суниј родот на Суниевците;

¹⁶од Азен родот на Азеновците; од Ириј родот на Ириевците;

¹⁷од Арод родот на Ародовците и од Арилиј родот на Арилиевците.

¹⁸Тоа се родовите на Гадовите потомци, според нивното пребројување: четириесет илјади и пет стотини.

¹⁹Јудини синови: Ир и Авнан. И Ир и Авнан умреа во Ханаанската Земја.

²⁰Јудини синови по нивните родови беа: од Силом родот на Силомовците; од Фарес родот на Фаресовците и од Зара родот на Заринци.

²¹Фаресови синови пак беа: од Асрон родот на Асроновци и од Амуил родот Амуиловци.

²²Тоа се Јудините родови, а избројаните од нив: седумдесет и шест илјади и пет стотини.

²³Исахарови синови по нивните родови: од Тола родот на Толинци; од Фува родот на Фувинци;

²⁴од Јасув родот на Јасувовците и од Амрам родот на Амрамовци.

²⁵Тоа се Исахаровите родови. Нив ги запишаа шеесет и четири илјади и триста.

²⁶Завулонови синови по нивните родови: од Саред родот на Саредовците; од Алон родот на Алоновци и од Алил родот на Алиловци.

²⁷Тоа се Завулоновите родови, според нивното пребројување: шеесет илјади и пет стотини.

²⁸Јосифови синови по нивните родови: Манасиј и Ефрем.

²⁹Манасиеви синови: од Махир родот на Махировци. На Махира му се роди Галад. Од Галад е родот на Галадовци.

³⁰Овие беа Галадови синови: од Ахиезер родот на Ахиезеровците; од Халек родот на Халековци;

³¹од Есрил родот на Есриловци; од Сихем родот на Сихемовци;

³²од Симаер родот на Симаеровци и од Офер родот на Оферовци.

³³Оферовиот син Салпад немаше синови, туку ќерки. Имињата на Салпадовите ќерки беа: Мала, Нуја, Егла, Мелха и Терса.

³⁴Тоа се Манасиеви родови. Избројаните од нив: педесет и две илјади и седум стотини.

³⁵Овие пак се Ефремовите синови, по нивните родови: од Сутал родот на Суталовците; од Вехер родот на Вехеровци и од Тахан родот на Тахановци.

³⁶Овие се Суталови синови: од Еран родот на Ерановците.

³⁷Тоа се родовите на Ефремовите синови, според нивното пребројување: триесет и две илјади и пет стотини. Тоа се Јосифови синови, по нивните родови.

³⁸Венијаминовите синови, по нивните родови: од Вела родот на Велинци; од Асвил родот на Асвиловци; од Ахирам родот на Ахирамовци;

³⁹од Суфам родот на Суфамовци и од Уфам родот на Уфамовци.

⁴⁰Велини синови беа: Адер и Наман. И така, од Адер родот на Адеровци, а од Наман родот на Намановци.

⁴¹Тоа се Венијаминовите синови, по нивните родови. Нив ги запишаа четириесет и пет илјади и шест стотини.

⁴²Овие се Данови синови, по нивните родови: од Самеј родот на Самеевци. Тоа се Дановите синови, според нивните родови.

⁴³Од сите родови на Самеевците беа запишани шеесет и четири илјади и четири стотини.

⁴⁴Асировите синови, по нивните родови: од Јамин родот на Јаминовците; од Јесуј родот на Јесуевците и од Вериј родот на Вериевците.

⁴⁵Од Вериините синови: од Ховер родот на Ховеровци и од Мелхил родот на Мелхиловци.

⁴⁶На Аировата ќерка името и беше Сара.

⁴⁷Тоа се родовите на Асировите синови. Нив ги запишаа педесет и три илјади и четири стотини.

⁴⁸Нефталимовите синови, по нивните родови: од Асил родот на Асиловци; од Гуниј родот на Гуниевци;

⁴⁹од Есер родот на Есеровци и од Селим родот на Селимовци.

⁵⁰Тоа се родовите на Нефталиевците. По нивните родови беа запишани четириесет и пет илјади и четири стотини.

⁵¹И така, запишани Израелци имаше шест стотини и една илјада и седум стотини и триесет.

⁵²Господ му рече на Мојсеја:

⁵³„На овие нека им биде разделена земјата во наследство според бројот на нивните имиња.

⁵⁴На поголемиот број зголеми му го наследството, а на помалиот намали му го неговото наследство; секому нека му биде дадено неговото наследство според бројот на запишаните.

⁵⁵Но земјата нека биде поделена со жрепка; нека биде примена во наследство според дедовските племенски имиња.

⁵⁶Наследството ќе биде поделено со жрепка, на секое племе според неговата големина.”

⁵⁷Ова е попис на левитите, по нивните поколенија: од Гирсон родот на Гирсоновците; од Каат родот на Каатовци и од Мерариј родот на Мерариевци.

⁵⁸Еве се родовите на Левиевците: родот на Ловениевци, родот на Хевроновци, родот на Малиевци, родот на Мусиевци и родот на Кореевци. На Каат му се роди Амрам.

⁵⁹На Амрамовата жена името и беше Јохавета. Беше Левиева ќерка, која му се роди на Левија во Египет. Таа му ги роди на Амрам: Арона, Мојсеја и нивната сестра Маријам.

⁶⁰На Арона му се родија: Надав, Авиуд, Елеазар и Итамар.

⁶¹Надав и Авиуд загинаа кога принесуваа непосветен оган пред Господа.

⁶²Сите избројани мажи од еден месец па нагоре беа дваесет и три илјади. Тие не беа избројани заедно со Израелевите синови; и не им беше доделено наследство меѓу Израелевите синови.

⁶³И така, тоа се оние, кои беа избројани од Мојсеја и од свештеникот Елеазар; тие го извршија овој попис на Израелците покрај Јордан, во Моавските Полиња спроти Ерихон.

⁶⁴Меѓу нив немаше ниту еден од оние кои беа избројани од Мојсеја и од свештеникот Арон, кога ги избројуваа Израелевите синови во Синајската Пустина.

⁶⁵Зашто Господ беше рекол за нив: „Нека изумрат во пустината и нека не остане никој од нив, освен: Халев, Ефониевиот син, и Исус, синот Навинов!”