Read Библија, Константинов Михеј 1 Bible Online

Михеј 1 - Библија, Константинов bible

Михеј 1

¹Господово слово упатено на Моресетецот Михеј во времето на Јоатам, Ахаз и Езекија, јудејски цареви. Неговите виденија за Самарија и Ерусалим.

²Чујте, народи, вие сите! Слушај земјо и сè што те исполнува! Господ Бог ќе сведочи против вас - Господ од Својот свет Храм!

³Зашто, еве: Господ излегува од Своето свето место, слегува и оди по земските височини.

⁴Горите се растопуваат под Неговите чекори и долините се распукуваат под Неговите чекори и долините се распукуваат како восок пред оган, како водата што се разлева низ стрмнината.

⁵Сè е тоа Јакововото злосторство и за гревовите на Израелевиот дом. Кое е Јакововото злосторство? Не е ли Самарија? Кои се Јудините високи места? Не е ли Ерусалим?

⁶„Ќе направам од Самарија грутки куп во полето, на место за садење лозје. Ќе ги растркалам нејзините камења во долината, ќе и ги откријам основите.

⁷Ќе се искршат на парчиња сите нејзини резани ликови, сета блудничка плата ќе и биде изгорена со оган, ќе ги запустам сите нејзини идоли, зашто се насобрани од блудничка плата, и пак ќе се вратат на блудничка плата.”

⁸Затоа ќе плачам и ќе заридам, ќе одам гол и необлечен, ќе вијам како шакалите, ќе пискам како ноевите.

⁹Зашто нема лек за нејзината рана, стига сè до Јуда, ја допира вратата на Мојот народ, сè до Ерусалим!

¹⁰Не јавувајте го тоа во Гат, не плачете воопшто! во Вит-Афра, тркалајте се во прав!

¹¹Заминувај срамно разголена сафирска жителке! Од својот град не излезе сананската жителка! Оплакувањето на Вет-Езил ќе ја зема поткрепата од вас.

¹²Како може да и се надева на среќата маротската жителка? Зашто несреќата слегува од Господ сè до Ерусалимската Врата.

¹³Впрегнете брзи коњи во бојни коли, лахиски жителки! Тоа беше почеток на гревот на Сионската Ќерка, зашто во тебе се најдоа Израелевите злосторства.

¹⁴Затоа ќе му дадеш проштални дарови на Моресет-Гат, ахсивските домови ќе ги измамат израелските цареви.

¹⁵Уште ќе ти доведам наследник жителке на Марис, ќе стигне до Одолам Израелевата слава.

¹⁶Корни ја косата и истрижи се заради своите мили деца! Стани ќелава како орелот мршар, зашто ќе одат далеку од тебе во ропство.