Read Библија, Константинов Лука 3 Bible Online

Лука 3 - Библија, Константинов bible

Лука 3

¹А во петнаесеттата година од владеењето на царот Тибериј, кога Понтие Пилат беше управител на Јудеја, и Ирод четворовласник на Галилеја, а неговиот брат Филип четворовласник на Итуреја и Трахонитида, а Лисание - четворовласник на Авилинија;

²при Ана и Кајафа, првосвештеници, Божјото слово дојде до Јована, синот Захариев, во пустината.

³И тој одеше по целата страна околу Јордан и проповедаше покајно крштавање за проштавање на гревовите,

⁴како што е напишано во книгата со зборовите на пророкот Исаија, кој вели: „Глас на еден, кој вика во пустината: ‘Пригответе пат за Господа, израмнете ги Неговите патеки!

⁵Нека се исполни секоја долина, и секоја гора и секое ритче нека се снизат; кривите ќе станат прави, а нерамните места нека бидат глатки!

⁶И секое тело ќе го види Божјото Спасение!’

⁷На множеството пак, кое доаѓаше да биде крстено од него, му велеше: „Змиини породи! Кој ве предупреди од гневот што иде?

⁸Донесете плодови достојни за покајание и не зборувајте сега во себеси: ‘Го имаме Авраама за татко!’ Зашто ви велам, дека Бог може и од овие камења да му издигне деца на Авраама.

⁹А и секирата веќе лежи при коренот на дрвјата. Затоа, секое дрво што не дава добар плод, се сече и се фрла во оган.”

¹⁰А народот го праша: „Тогаш, што да правиме?”

¹¹А тој им одговори и рече: „Кој има две облеки, нека му даде на оној кој нема; и кој има храна нека го прави истото!”

¹²Дојдоа и цариниците да ги крсти и му рекоа: „Учителе, што да правиме ние?”

¹³Тој им рече: „Не барајте ништо повеќе од она, што ви е определено!”

¹⁴Го прашаа и војниците: „Што да правиме ние?” И им рече: „Не измачувајте никого и не клеветете, и бидете задоволни со своите плати!”

¹⁵А бидејќи луѓето беа во недоумица и сите размислуваа во своите срца за Јована - да не е тој Христос,

¹⁶Јован им одговори на сите: „Јас ве крштавам во вода; но иде посилен од мене, Кому јас не сум достоен да го одврзам ременот на Неговите обувки; Тој ќе ве крсти во Светиот Дух и оган.

¹⁷Во Неговата рака е лопатата, за да го очисти Своето гумно и за да ја собере пченицата во Својата житница; а плевата ќе ја изгори со неизгаслив оган.”

¹⁸И така му го проповедаше Евангелието на народот, напомнувајќи и многу други нешта.

¹⁹А четворовласникот Ирод, кого тој го укори заради Иродијада, сопругата на Филипа, брата му, и заради сите зли дела, што ги направил Ирод,

²⁰кон сите нив го додаде уште ова: го затвори Јована во темница.

²¹Кога се крсти сиот народ - се крсти и Исус и кога се молеше - небото се отвори,

²²и Светиот Дух слезе на Него, во телесен облик, како гулаб, и се чу глас од небото: „Ти си Мојот возљубен Син, во Тебе е Мојата милина.”

²³А Тој - Исус имаше околу триесет години, кога почна да проповеда и беше - како што мислеа - син Јосифов, Илиев,

²⁴Мататов, Левиин, Мелхиев, Јанаев, Јосифов,

²⁵Мататиев, Амосов, Наумов, Еслимов, Нангеев,

²⁶Матов, Мататиев, Семеинов, Јосифов, Јудин,

²⁷Јоананов, Рисаев, Зоровавелов, Салатилов, Нириев,

²⁸Мелхиев, Адиев, Косамов, Елмодамов, Иров,

²⁹Јосиев, Елиезеров, Јоримов, Мататов, Левиин,

³⁰Симеонов, Јудин, Јосифов, Јонанов, Елијакимов,

³¹Мелаев, Маинанов, Мататиев, Натанов, Давидов,

³²Јесеев, Овидов, Воозов, Салмонов, Насанов,

³³Аминададов, Арамов, Есромов, Фаресов, Јудин,

³⁴Јаковов, Исаков, Авраамов Тарин, Нахоров,

³⁵Серухов, Рагавов, Фалеков, Еверов, Салин,

³⁶Каинанов, Арфаксадов, Симов, Ноев, Ламехов,

³⁷Матусалов, Енохов, Јаредов, Малелеилов, Каинанов,

³⁸Еносов, Ситов, Адамов, Божји.