Read Библија, Константинов 2 Коринќаните 8 Bible Online

2 Коринќаните 8 - Библија, Константинов bible

2 Коринќаните 8

¹Ве известувам, браќа, за Божјата благодат дадена на црквите во Македонија;

²дека, иако во многу неволји, со кои беа искушувани, нивната преумножена радост и длабоката беда, покажаа преизобилно богатство на нивната дарежливост.

³Зашто сведочам, дека според своите можности, а и преку нив, дадоа доброволно

⁴и нè молеа многу да им ја укажеме милоста да можат да учествуваат во службата на светите.

⁵И даваа не само како што се надевавме, туку и самите себе Му се предадоа прво на Господа, и тогаш нам, преку Божјата волја.

⁶Затоа го замоливме Тит како што порано започна, така и да го заврши меѓу вас и ова дело на љубовта.

⁷И како што изобилувате во сè, во верата, во словото, во знаењето, во секаква ревност и во љубовта кон нас, покажете го своето изобилство и во ова дело на љубовта.

⁸Не го велам ова како заповед, туку ја испитувам искреноста на вашата љубов, преку ревноста на другите.

⁹Зашто позната ви е благодатта на нашиот Господ Исус Христос, како заради вас од богат стана сиромашен, за да се обогатите вие преку Неговата сиромаштија.

¹⁰Со ова ви давам само совет, зашто тоа е полезно за вас, кои веќе од минатата година го почнавте не само со дело, туку и со својата волја.

¹¹А сега довршете го и тоа дело: како што бевте подготвени да сакате, така да бидете подготвени и да го довршите, според она што имате.

¹²Зашто, ако има добра волја, таа е добро дошла според она што има, а не според она што нема.

¹³Не сакам олеснувањето на другите да ви донесе неволја вам, туку да има рамноправност:

¹⁴во сегашно време вашиот одвишок да ја покрие нивната скудност, и нивниот одвишок да послужи на вашата скудност, за да биде рамноправност,

¹⁵според она што е напишано: „Кој собра многу, немаше одвишок, а кој собра малку, немаше недостиг.”

¹⁶Но, Му благодарам на Бога, Кој истата грижа за вас му ја стави во срцето на Тит!

¹⁷Зашто ја прифати нашата молба, но бидејќи многу ревносен, доброволно отиде при вас.

¹⁸Со него го праќаме и братот пофалуван, за работење на Евангелието по сите цркви.

¹⁹И не само тоа, туку црквите го избраа да патува со нас во ова дело на љубовта, на кое му служиме за слава на Самиот Господ и да ја покажеме својата подготвеност.

²⁰Со тоа сакаме да избегнеме да не ни се префрли заради овој изобилен подарок што го донесуваме.

²¹Зашто, ние се грижиме за она што е добро не само пред Господа, туку и пред луѓето.

²²А со нив го испративме и нашиот брат, чија ревност ја испитавме повеќе пати во многу работи, а кој е уште поревносен сега, заради големата доверба во вас.

²³Што се однесува за Тит, тој е мој другар и соработник за вас. А што се однесува за нашите браќа, тие се пратеници на црквите и Христова слава.

²⁴И така, покажете им го пред црквите доказот на вашата љубов и на нашите пофалби за вас.