Read Библија, Константинов 1 Солунците 4 Bible Online

1 Солунците 4 - Библија, Константинов bible

1 Солунците 4

¹Најпосле, браќа, бараме и ве опоменуваме во Господа Исуса, да изобилувате повеќе во она што го примивте од нас, како треба да живеете и да Му угодувате на Бога, како што и успевате во тоа.

²Имено, знаете какви наредби ви дадовме во името на Господа Исуса.

³Зашто, ова е Божјата волја, вашето осветување, да се воздржувате од блудство,

⁴секој од вас да знае да го држи својот сад во светост и чест,

⁵не во похотна страст, како народите кои не Го познаваат Бога;

⁶да не престапува и го измамува својот брат во тоа, зашто за сè тоа Господ е Одмаздувач, како што ви рековме и сведочевме порано.

⁷Имено, Бог не нè призва на нечистота, туку на осветување.

⁸Затоа, кој го отфрла тоа, не го отфрла човекот, туку Бога, Кој ви Го дава и Својот Свети Дух.

⁹А за братољубието нема потреба да ви пишувам, зашто Самиот Бог ве научи да се љубите еден друг,

¹⁰а вие го правите тоа кон сите браќа во цела Македонија. Но, ве молиме пак, браќа, да го правите тоа уште повеќе

¹¹и да настојувате усрдно да живеете тихо, да ги гледате своите работи и да работите со своите раце, како што ви наредивме,

¹²за да се однесувате благоприлично кон оние, надворешните и да немате потреба од ништо. За Христовото доаѓање

¹³Не сакаме, браќа, да останете во незнаење за умрените, за да не жалите како другите, кои немаат надеж.

¹⁴Зашто ако веруваме дека Исус умре и воскресна, така и умрените во Исуса, Бог ќе ги приведе со Него.

¹⁵Зашто ова ви го кажуваме преку словото на Господа, дека ние, кои живееме и остануваме до Господовото доаѓање, нема да отидеме пред оние кои умреле;

¹⁶зашто Самиот Господ на заповед, при глас на архангел и при Божја труба, ќе слезе од небото и мртвите во Христа ќе воскреснат прво.

¹⁷Потоа ние живите, ние кои останавме, ќе бидеме грабнати заедно со нив на облаците, во воздух, во пресрет на Господа; и така засекогаш ќе бидеме со Господа.

¹⁸Затоа, утешувајте се еден друг со овие зборови.