Read Библија, Константинов Исус Навин 15 Bible Online

Исус Навин 15 - Библија, Константинов bible

Исус Навин 15

¹Делот што му припадна на племето на Јудините синови, според нивните семејства, беше кон едомската граница, на југ до Цинската пустина, на крајниот југ.

²А нивната јужна меѓа одеше од крајот на Соленото Море, од заливот што е на југ;

³тогаш излегуваше јужно од Акравимското Нагорниште, се тегнеше преку Цин и се искачуваше јужно од Кадис Варни, преминуваше преку Есрон, се качуваше кон Адар и оттаму свртуваше кон Карк;

⁴потоа преминуваше преку Аселмон и допираше до Египетскиот Поток и најпосле излегуваше на море. Тоа ви е јужната меѓа.

⁵Меѓата кон исток беше: Соленото Море до крајот на Јордан. Северната меѓа почнуваше од Соленото Море, кај заливот на Јордан.

⁶Оттаму меѓата се искачуваше во Ветагла, минуваше северно од Вет-Арава, одеше горе на Каменот Воана, на Рувимовиот син.

⁷Потоа меѓата се креваше од Ахорската долина кон Давира, вртеше на север кон Галгал, што лежи спроти Адумимското Нагорниште, јужно од потокот; меѓата поминуваше натаму кон водите на Ен-Семес па излегуваше кај Ен-Рогел.

⁸Оттаму преку долината Бен-Еном се креваше од југ кон Евуската Стрмина, односно кон Ерусалим. Потоа се искачуваше на врвот на гората, што на запад гледа кон Еном и лежи на северниот крај на долината Рафаим.

⁹Од врвот на таа гора меѓата завртуваше кон изворот Нефтој па излегуваше спроти градовите на гората Ефрон, потоа да сврти кон Вал, потоа кон Киријат-Јарим.

¹⁰Од Вал меѓата завиваше на задад кон гората Сир и тогаш, поминувајќи северно од гората Јарим, односно Хасалон, се спушташе во Вет-Семес па одеше кон Тамна.

¹¹Натаму меѓата продолжуваше кон северната стрмина на Акарон, завртуваше кон Сикрон, ги поминуваше висовите на Вал, се тегнеше до Јавнил, за да излезе конечно на море.

¹²Западната меѓа е Големото Море со брегот. Тоа беа земјите на Јудините синови, наоколу, според нивните семејства.

¹³Халев, Ефониевиот син, прими дел меѓу Јудините синови, како што Господ му нареди на Исуса. Му ја даде Киријат-Арва, главниот град на Енаковите синови - Хеврон.

¹⁴Халев истера оттаму три Енакови синови: Сесај, Ахиман и Талмај, Енакови потомци.

¹⁵Оттаму тргна против жителите на Девир, што некогаш се викаше Киријат-Сефер.

¹⁶Тогаш Халев рече: „Кој ќе го покори и ќе го заземе Киријат-Сефер, ќе му ја дам својата ќерка Ахса за жена.”

¹⁷Го зазеде Готонил, синот на Кенеза, брат Халевов; и Халев му ја даде својата ќерка Ахса за жена.

¹⁸Кога дојде кај мажот, тој ја наговори да побара имот од татка си. Таа слезе од ослето, а Халев ја праша: „Што сакаш?”

¹⁹Таа одговори: „Дај ми благослов! Кога ми го даде Негев, дај ми и некои водни извори.” И тој и ги даде Горните и Долните извори.

²⁰Тоа беше наследството на племето на Јудините синови според нивните семејства.

²¹Градови меѓници на племето на Јудините синови, вдолж на едомската меѓа беа: Кавсеил, Едер, Јагур;

²²Кина, Димона, Адада;

²³Кадес, Асор, Итнан;

²⁴Зиф, Телем, Валот;

²⁵Нов Асор, Киријат-Есрон (односно Асор);

²⁶Амам, Сама, Молада;

²⁷Асар-Гада, Есемон, Вет-Фалет;

²⁸Асар-Суал, Вир-Савеа, Визиотија;

²⁹Вала, Им, Асем;

³⁰Елтолад, Хесил, Орма;

³¹Сиклаг, Мадмана, Сансана;

³²Леваот, Силеим, Аин и Римон: вкупно дваесет и девет градови со своите села.

³³Во долината: Естаол, Сараја, Асна;

³⁴Заној, Ен Ганим, Тафуј, Инам;

³⁵Јармут, Одолам, Сохо, Азика;

³⁶Сагарим, Адитаим, Гедира, Гедиротаим: четиринаесет градови со своите села.

³⁷Сенан, Адаса, Мигдал-Гад;

³⁸Дилан, Миспа, Јоктеил;

³⁹Лахис, Васкат, Еглон;

⁴⁰Хавон, Ламас, Хитлис;

⁴¹Гедирот, Вет-Дагон, Нама, Макида: шеснаесет градови со своите села.

⁴²Ливна, Етер, Асан;

⁴³Јефта, Асна, Несив;

⁴⁴Кеила, Ахзив и Мариса: девет градови со своите села.

⁴⁵Акарон со населбите и со своите села;

⁴⁶од Акарон па до морето, сè што се наоѓа покрај Азот, со своите села;

⁴⁷Азот со населбите и со своите села; Газа со населбите и со своите села до Египетскиот Поток и до Големото Море, кое е меѓа.

⁴⁸А во Гората: Самир, Јатир, Сохо;

⁴⁹Дана, Киријат Сана (тоа е Давир);

⁵⁰Анав, Естемон, Аним;

⁵¹Госен, Олон, Гилон: единаесет градови со своите села.

⁵²Арав, Дума, Есан;

⁵³Јанум, Вет-Тафуј, Афека,

⁵⁴Хумата, Киријат-Арва (односно Хеврон), Сиор: девет градови со своите села.

⁵⁵Маон, Кармел, Зиф, Јута;

⁵⁶Језраел, Јокдеам, Заноја;

⁵⁷Акаин, Гаваја, Тамна: десет градови со своите села.

⁵⁸Алул, Вет-Сур, Гедор;

⁵⁹Марат, Вет-Анот, Елтекон: шест градови со своите села.

⁶⁰Киријат-Вал (односно Киријат Јарим) и Рава: два града со своите села.

⁶¹Во пустината: Вет-Арава, Мидин, Сехах;

⁶²Нивсан, Солениот Град и Ен-Гади; шест градови со своите села.

⁶³А Евусејците, кои живееја во Ерусалим, Јудејците не можеа да ги истераат. Така останаа со Јудините синови во Ерусалим, сè до денес.