Read Библија, Константинов Тит 3 Bible Online

Тит 3 - Библија, Константинов bible

Тит 3

¹Напомнувај им да им се покоруваат на началствата и властите, да бидат послушни, да бидат готови за секое добро дело;

²никого да не хулат, да не се препираат, да бидат благородни, покажувајќи секаква кротост кон сите луѓе.

³Зашто и ние бевме некогаш неразумни, непокорни, скитници, робови на разни страсти и задоволства, живејќи во зло и завист, мразени и мразејќи се еден со друг.

⁴Но кога се јавија: добрината и човекољубието на Бога, нашиот Спасител,

⁵нè спаси не врз основа на праведните дела што сме ги направиле ние, туку по Својата милост, преку капењето на новораѓањето и обновувањето на Светиот Дух,

⁶Кого богато Го излеа на нас преку Исуса Христа, нашиот Спасител,

⁷та оправдани преку Неговата благодат да станеме наследници според надежта на вечниот живот.

⁸Верно е тоа слово, и сакам ова да го држиш цврсто; и оние, кои веруваат во Бога да се грижат да одат напред во добрите дела. Тоа е добро и полезно за луѓето.

⁹А избегнувај ги: глупавите распрашувања, родословијата, расправиите и препирките по однос на Законот, зашто се неполезни и суетни.

¹⁰Избегнувај човек кривоверец, по првото и второто опоменување,

¹¹знаејќи дека таквиот човек се изопачил и дека греши, та се осудил сам себеси.

¹²Кога ќе ги пратам при тебе Артема или Тихик, побрзај да дојдеш при мене во Никопол, зашто решив да презимувам таму!

¹³Грижливо снабди ги за пат правникот Зина и Аполос, за да имаат сè што им треба!

¹⁴Но и нашите да се учат да бидат први во добрите дела, каде што е тоа неопходно потребно, за да не бидат без плод.

¹⁵Те поздравуваат сите, кои се со мене. Поздрави ги оние, кои нè љубат во верата. Благодатта со сите вас. Амин!