Read MMA SHIYYA Mitanie ya varumi 18 Bible Online

Mitanie ya varumi 18 - MMA SHIYYA bible

Mitanie ya varumi 18

¹Numa ya ifi Paulo kauka Atene kafika muṛiń wa Korinto.

²Kalolia-fo nndu Muyuda irina lyamwi ni Akwila eerio̱ kulya Ponto. Nae ashe auka urukeń lwa Italia mikonu yo meni andu emwi na nka wamwi Pirisikila, fulya Kaisari Kilaudio eevavasaa Vayuda woose vasame ifo Rome. Paulo kaenda kwawo kavaisana.

³Neeli mashoṛa a wo a waaria eekee emwi kakaa kwawo vakaṛunda mashoṛa andu emwi, amu veekee vaaria va ifuma maema.

⁴Nkonu woose wa Sabato kava murera mboni ta Iṛuva ifo numbeń ya iterevia kaelelia yaṛua Vayuda na Vagiriki vakusure.

⁵Neeli Sila na Timoteo vandemaa ifika vauka urukeń lwa Makedonia Paulo kaengeṛia nnu ikwanisa kirero kilya eerambuyaa Vayuda sheeli Yesu nKristo.

⁶Ili vandevingana nae na iruma kasikasika miseto yamwi kavaia: Usao lwanu lumukabe ini mu veni, niń nkee nsha. Kuuka alli neendaa kwa vandu vayavaṛumu.

⁷Kaiwukana nawo ifo kaakia numba kwa nndu irina laymwi ni Titio Yusto mukusura Iṛuva, nae numba yamwi iikee kufui na numba ya iterevia.

⁸Na Kirisipo akee nnini wa numba ilya ya iterevia kakusura Nndumi ye na numba yamwi yoose. Na Vakorinto veengi vandearanya Paulo vakakusura vakabatiswa.

⁹Nndumi karera na Paulo myorusień kio eemwiaa: Manya kuteeṛee, kake rera manya kutasie do!

¹⁰Amu niń noore vandu veengi muṛiń uu. Ana eefo nndu akutembeṛukie akukasheese ndi, amu niń nkee andu emwi nawe.

¹¹Kakaa-fo kiṛengo kya mwaka umwi na miiri irindaru eeloshaa kirero kya Iṛuva kari kawo.

¹²Kyeeri kilya Galio andewara ushili lwa Akaya. Vayuda vakakwimboyo Paulo kwa nrima umwi vakanrwaa kikweniń kya nshili ulya.

¹³Vakaṛiinga Paulo veenumbuaa: Nndu uu akee iteveta vandu amu vaindie Iṛuva windi lutasumani na mavavaso eru.

¹⁴Ili Paulo eeriee itaṛambua kana kamwi, Galio kaia Vayuda: Muṛe Vayuda, kifo kirero ki mwakinnde kiikee kya iṛiinga nndu to kiimba kya ngyukasha andetana ana kiimba kya mitambwe awore, niireraa mwaandu uu sheeli kisumani.

¹⁵Kake ili kikee kya yaṛuyana kiimba kya ngyufundo tanu na marina na mavavaso anu, filleń ini mu veni, amu niń mfurie iva mfukya wa findo fo ndi.

¹⁶Kavaumbuta numba ya kikwena.

¹⁷Na woose vakawara Sositene akee nnini wa numba ya iterevia vakankabia kundo kwa kikwena na Galio nta ilolia sheeli kindo kyo nkindo.

¹⁸Numa ya ifo Paulo kaengeṛia ikaa ifo mikonu miingi. Numa kalakana na vanavamae kaimboo kyaaṛo kya ngalaveń kya yenda Siria. Na Pirisikila na Akwila vakariana nae, ili andemaa yuta nrwe wamwi ifo Kenkirea, amu eerwayee kirekio.

¹⁹Vakafika Efeso kavatia-fo. Ye muni kaira na numba ya iterevia kaaṛuyana na Vayuda.

²⁰Vakantereva akaa kwawo kyeeri kiindi, nta ikunda.

²¹Kasamana nawo eenumbuaa: Kisuku ki kikee isha kyashiwara nkimarisie Yerusalemu. Iṛuva kankunda nuuyaa lingi kwanu. Kauka Efeso kaenda kyaaṛo kya nruveń.

²²Kafika Kaisaria karwa Yerusalemu kaisana siṛi ya kulya, numa kainama Antiokia.

²³Neeli andekaa ifo mikonu myaangu kakwimboo kaira urukefi lwa Galatia na Firigia muṛi kwa muṛi eekaarisaa vanalosho.

²⁴Kyasia nndu Muyuda irina lyamwi ni Apolo airio̱ kulya Alekisanderia kafika Efeso. Nae eekee nndu ndango eekee na mwaṛia ifo mitisiṛień.

²⁵Nndu to eekee lloshe shia ya Nndumi. Na fulya nrima wamwi wikee yaka Uyo abooka irera na ilosha kisumani mboni ta Yesu. Nae ni ubatiso lwa Yohane da eeishii.

²⁶Kabooka irera na baa ifo numbeń ya iterevia. Neeli Pirisikila na Akwila vandemwaranya vakankurika kwawo vakanselevendia shia ya Nndumi kisumani kya mmwasi.

²⁷Neeli eefuriee iṛuka nruva aende urukeń lwa Akaya, vanavamae vakankaarisa vakatisiṛia vanalosho valya va ifo Korinto barua, amu vawwarie. Nae ili andefika-fo kaelekia nnu iwo veemmaa ikusura na uwoo akee nalo.

²⁸Amu avinga Vayuda nnu kutu mbele ya vandu woose eevaorusaa na firero fa mitisine sheeli Yesu nKristo.