Read MMA SHIYYA Mitanie ya varumi 6 Bible Online

Mitanie ya varumi 6 - MMA SHIYYA bible

Mitanie ya varumi 6

¹Kyasia mikonu ilya ili vanalosho vandeengeṛia ifumbuka itaala lyawo liifoo iṅuṅura lya vandu va siṛi vakee Vagiriki veeṅu-ṅuriaa valya vakee Vayuda, fulya misikeeti yawo varekilwa uṛundiń lwa nkonu tiṛi lwa yavia kya ilya.

²Valya ikumi na vavili vakavaangia vanalosho woose ikusandio vakanumbua: Kisumani ise titie-wo ilosha kirero kya Iṛuva na ikaa rembo tiṛundie shoonga ndi.

³Kyasia vanavama, saueń vandu mfungare kari kanu vawore nsendo veeshule Mumuyo na uṛango, amu tivarwaa vaṛunde ishoṛa li.

⁴Neese tikaa tiiterevaa na iṛundia kirero kilya.

⁵Kirero ki kikairikio̱ ni ikusandio lyoose. Vakasaua Stefano akee nndu eeshule ikusura na Mumuyo Nsongori na Filipo na Porokoro na Nikanoro na Timon na Parimena na Nikolao wa Antiokia aukie vayavaṛumuń kaaṛukia kiyuda.

⁶Vakaseṛeeswa mbele ya varumi, nawo vakavaterevia vakavaekeṛia maako.

⁷Na kirero kya Iṛuva kikakwana na itaala lya vanalosho likafumbuka nnu kulya Yerusalemu. Na akwaa nkinga kya vakohani vakaaṛuka vakakusura.

⁸Stefano nae kava muyafinya shiingi ta ikusura Nndumi katana findo finini fa myorusie ifo vanduń.

⁹Kake kiindi kya vandu va kyama kilya kiivaangwaa kya Malibertino na kya vandu va Kirene na kya va Alekisanderia na kya valya vandeuka Kilikia na Asia vakakwimboo vakakuuṛana na Stefano

¹⁰vatamakii ivingana na uṛango lwamwi na Mumuyo to eekee irera nato.

¹¹Llyo vateveta vandu vanumbue: Tamiita nndu uu eereraa firero fa iruma Mose na Iṛuva.

¹²Vakaaya vandu na vasuṛi na vaaṛia va mitisine vakallaya si vakawwara vakanrwaa kikweniń kinini.

¹³Vakaseṛeesa varambua va wongo vandenumbua: Nndu uu eemuyaa iteenda andu a asongori na mavavaso ndi.

¹⁴Amu tamiita eenumbuaa sheeli: Yesu uu wa Nasareti akasheesaa andu a na iilasha mikae ilya taniingio̱ mMose.

¹⁵Na vandu woose valya veekee kikweniń vakamulla koroo vakalolia kisangu kyamwi kivakani na kisangu kya malaika.