Read MMA SHIYYA Barua ya Vagalatia 1 Bible Online

Barua ya Vagalatia 1 - MMA SHIYYA bible

Barua ya Vagalatia 1

¹Niń Paulo nkee nrumi. Nte nnderumwa wandu ndi, ana nta nnderawa uṛundiń ilu ni nndu ndi. Kake nnderumwa ni Yesu Kristo na Iṛuva Vaava andenduta kuuka kwa vafu.

²Ise na vanavamae woose vakee nań teesana siṛi tilya tikee ifo Galatia.

³Uwoo lukaa neeni na unambwe fuukie kwa Iṛuva Nde na kwa Nndumi weru Yesu Kristo.

⁴Yye uu andekuningia ufuń kiimba kya mareko eru, amu atikiṛe eetilakanisaa na isanga li ikasha lya alli, sheeli Iṛuva andekunda akee Vaava weru.

⁵Uu eetikiswa miṛeṛe na miṛeṛe uteefo mmando. Amen.

⁶Ndiikie nnu kiimba kya llakanu wanu wa ilakana ree kuri na uu andemuvaanga kwa ililia lya Kristo na ilatia nrumi ingi.

⁷Ana nta iifo nrumi ingi shisha. Kake veefo vandu vakee imufuluta na itiṅwa iilasha nrumi ya Kristo ya ifura.

⁸Kake kwakooya ise ti veni ana mmalaika wa iṛuvewu tamukwanisia ini nrumi ingi ya mikae yoose kitaare ni iyo tindemukwanisia, nndu woose atana kuro adengwa ni Iṛuva.

⁹Sheeli nabooka imuia, na alli nkee inumbua Iingi: Nndu kamukwanisia ini nrumi ingi kitaare ni ilya mweewwariaa mbele adengwa ni Iṛuva.

¹⁰A le ifi narera amu niirikio̱ vvandu ana ni Iṛuva? Ana mfurie isenya vandu? Kikooye niisenyaa vandu, niivaa iketi lya Kristo ndi.

¹¹Amu vanavama, nkee imumanyisa sheeli nrumi yo ya ifura Tindemukwanisia nta yya kivandu ndi.

¹²Amu naiwaria kwa vandu ana naloshwa ni nndu ndi, kake naiwaria kwa myorusie ya Yesu Kristo.

¹³Amu mwamiita mboni ta weendo lwakwa lwa ikuwara na windi loose lwa kiyuda, sheeli niń niikee ivina siṛi ya Iṛuva kya mmwasi na ilanga iikasheesa deń.

¹⁴Nań niikee wa mbele kari ka veengi va irika lyakwa niikwatariaa mikae yoose ya kiyuda na ikabania nnu milimu yoose tindeniingio̱ wakuuku veru.

¹⁵Kake Iṛuva to andeshisaua kuuka simiń ya yeyo wakwa kashivaanga kwa ililia lyamwi,

¹⁶ili andesenywa irambua Mwana wamwi kari kakwa, amu nkwanisie vayavaṛumu nrumi yamwi shisha. Nań nta nnderera mbele na vandu va vvili na usao ndi.

¹⁷Ana nta nndeenda Yerusalemu kwa valya veekee varumi mbele yakwa ndi. Kake nndeenda kulya Arabia, numa nauya lingi Damasiko.

¹⁸Numa ya myaka iraru nnderwa na ule Yerusalemu, amu nkwanie na Kefa nasinda kwamwi mikonu ikumi na iraanu.

¹⁹Kake nta Tindelolia nrumi ungi kitaare ni Yakobo akee mwanawo wa Nndumi ndi.

²⁰Lleń, na ifi nkee imutisiṛia ia wwongo ndi, Iṛuva eeshi.

²¹Numa neenda taari ta Siria na Kilikia.

²²Kake nta undelolika kisangu kyakwa siṛiń ta Yudaya tikee ta Kristo ndi.

²³Vandeita vakaio̱: Ito eekee itivina ilyo mbele alli akee ikwanisa ikusura lia andelikasheesa mbele.

²⁴Vakaṅinisa Iṛuva kiimba kyakwa.