Read MMA SHIYYA Barua ya Vakolosai 4 Bible Online

Barua ya Vakolosai 4 - MMA SHIYYA bible

Barua ya Vakolosai 4

²Kuumiseń nnu kiterewoń, mulale rembo nakyo mwiaanaa.

³Mutiterevie neese, amu Iṛuva atirue mwaango wa yata kirero kyamwi, amu timakii irera kiṛisi kya Kristo nkilya kyeeni nndefingio̱,

⁴amu mmakii ikirambua sheeli kyashiwara irera.

⁵Endeń na uṛango mbele ya valya vakee wooṛo, mwiṛundaa na usha mwaanya woose.

⁶Firero fanu five fa isenya kundo koose fiiloraa sheeli fiwore munyu, mumakii yaṛua kilya kyawara yaṛua nndu woose.

⁷Kya mboni takwa toose nTikiko amwongoyaa foose. Yye mwanamae nkunde akee ndundi wa usuro na uroe wakwa mashoṛeń a Nndumi.

⁸Kiteveto nanruma kwanu naamu mumanye mboni teru, nae amukaarisaa mirima yanu.

⁹Ariani na Onesimo mwanamae akusurie akundikie, nae akee nndu wa kwanu. Iwo vamumanyisaa foose fa kunu kweru.

¹⁰Aristariko andefingwa andu emwi nań amwisana, na Mariko saaye wa Barinaba ulya mwawaria mivavasie yamwi. Kamfika kwanu wwarień.

¹¹Na Yesu amwisana uu avaangwaa Yusto. Iwo wandu va urini. Lingi iwo wo veni vvaelekia vakwa va iṛundia umangi lwa Iṛuva, nawo vave vashiwiiṛia muu.

¹²Epafira amwisana akee nndu wa kwanu, ni iketi lya Yesu Kristo eetaniaa utomari mikonu yoose kiimba kyanu fiterewoń famwi, amu musalale kyumu ikusureń na ikukaarisia findoń foose filya Iṛuva afurie.

¹³Nkee inrambua sheeli akwataria nnu kyanu na kya iwo vakee Laodikia na kya iwo vakee Hierapoli.

¹⁴Luka amwisana mwaanga ulya nkunde na Dema.

¹⁵Isaniń vanavamae vakee Laodikia, isaniń na Nimfa na siṛi ya numba yamwi.

¹⁶Barua ii ikammaa isomio̱ kwanu songosień isomio̱ kuro ifo siṛiń ya Valaodikia, na ilya ya Laodikia musomio̱ neeni.

¹⁷Ień Arikipo: ”Lla kwawutie uṛundi lua kundeniingio̱ ni Nndumi“.

¹⁸A li iisana likee lya uko lwakwa niń Paulo. Kumbueń ifingwa lyakwa! Uwoo lukaa neeni!